QMA Soltústik Qazaqstan oblysy boiynsha departamenti Petropavl qalasynda jol ótkelin salýǵa bólingen biýdjet qarajatyn jymqyrý deregi boiynsha tergep-tekserý júrgizip jatyr, dep habarlaidy Dalanews.kz.
Agenttik málimetinshe, 2023 jyly tamyzda Petropavl qalasy ákimdigi "Turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi" KMM men "BÝKA" JShS arasynda jalpy quny 5,4 mlrd teńgege jol ótkelin salý týraly kelisimshart jasalǵan.
Shartty oryndaý barysynda merdiger uiym jumys kestesinen júieli túrde keshikken. Tergeý amaldaryna sai merdiger uiymnyń direktory tapsyrys berýshi taraptyń laýazymdy tulǵalarymen sóz bailasyp, naqty oryndalǵan jumys kólemi týraly jalǵan málimet kórsetilgen aktiler rásimdep, qol qoidyrtqan.
Osy qujattar arqyly merdiger uiymnyń shotyna biýdjet qarajaty negizsiz aýdarylǵan.
Zańsyz áreket saldarynan memleketke 2 mlrd teńgeden asa zalal kelgen. Sot sanktsiiasymen jalpy quny 270 mln teńgeden asatyn 24 kólik pen arnaiy tehnikaǵa tyiym salyndy. Kúdiktige qamaýda ustaý túrindegi bultartpaý sharasy qoldanyldy. Qazir tergep-tekserý jalǵasyp jatyr.
