بٷگٸن ٶڭٸر باسشىسى عاۋەز نۇرمۇحامبەتوۆىڭ تٶراعالىعىمەن وبلىستىق قازاقستان حالقى اسسامبلەياسى كەڭەسٸنٸڭ كەڭەيتٸلگەن وتىرىسى ٶتتٸ, - دەپ حابارلايدى Dalanews.kz
جيىن بارىسىندا ٶڭٸرلٸك اسسامبلەيانىڭ اتقارعان جۇمىستارىنىڭ قورىتىندىسى شىعارىلىپ, قازاقستان حالقى اسسامبلەياسىنىڭ 30 جىلدىعىنا ارنالعان ٸس-شارالار جوسپارى تالقىلاندى.
"ٶڭٸردە مەرەيتويلىق ٸس-شارالاردى جوعارى دەڭگەيدە ۇيىمداستىرىپ, مازمۇندىق جاعىنا كٶپ كٶڭٸل اۋدارۋ قاجەت. نەگٸزگٸ باسىمدىق – ەتنوسارالىق دوستىق پەن كەلٸسٸمدٸ نىعايتاتىن, قوعامدى بٸرٸكتٸرەتٸن بٸرەگەي ينستيتۋت رەتٸندەگٸ اسسامبلەيانىڭ رٶلٸن كەڭٸنەن ناسيحاتتاۋعا بەرٸلمەك. وبلىستا بارلىق ەتنومەدەني بٸرلەستٸكتەردٸڭ قاتىسۋىمەن 36 تٷرلٸ فورماتتاعى ٸس-شارا ٶتكٸزۋ جوسپارلانعان", - دەپ اتاپ ٶتتٸ وبلىس ەكٸمٸ.
كەڭەس وتىرىسىندا ەتنومەدەني بٸرلەستٸكتەر اتىنان وبلىستىق اسسامبلەيا تٶراعاسىنىڭ جاڭا قوعامدىق ورىنباسارى سايلاندى. بۇل قىزمەتتٸ راشبيل ەۆداەۆ اتقارادى, ول الەكسەي حاننىڭ ورنىن باستى.
سونىمەن قاتار, سالتاناتتى ماراپاتتاۋ رەسٸمٸ ٶتتٸ. مەملەكەت باسشىسىنىڭ جارلىعىنا سەيكەس, ەل بٸرلٸگٸ مەن قوعامدىق كەلٸسٸمدٸ نىعايتۋعا ەلەۋلٸ ٷلەس قوسقان قوعام ٶكٸلدەرٸ قازاقستان حالقى اسسامبلەياسىنىڭ 30 جىلدىق مەرەيتويىنا ارنالعان ەستەلٸك مەدالدارمەن ماراپاتتالدى.
