Jýyrda sottalyp ketken jýrnalist ári bloger Arai Esenbektiń jaqyndary áleýmettik jelide tosyn jaitty bólisti, dep habarlaidy dalanews.kz.
Arai Esenbekke arnalyp ashylǵan arai_esenbek_aktalsyn paraqshasynda jariialanǵan jazbada onyń uialy telefony quzyrly organdarda ekeni, alaida WhatsApp jelisine áldekimder ruqsatsyz kirip jatqany aitylǵan.
Aita keteiik, buǵan deiin ol "ákimdik qyzmetkerinen 10 million teńge kóleminde aqsha talap etkeni" týraly aqparat tarady.
"Ol bul somaǵa áleýmettik jelide memlekettik organdardyń qyzmetin qaralaityn materialdardy taratpaýǵa ýáde bergen. Bul jait boiynsha qylmystyq is qozǵaldy. Tergeý aiasynda kúdiktiniń turǵylyqty jeri men keńsesinde tintý júrgizilip, nátijesinde elektron qurylǵylar men ózge de zattai aiǵaqtar tárkilendi. Kúdikti ýaqytsha ustaý izoliatoryna qamaýǵa alyndy. Qazir oqiǵanyń barlyq mán-jaiyn anyqtaýǵa baǵyttalǵan tergeý júrgizilip jatyr", - dedi IIM ókilderi buǵan deiin.
Jýyrda Arai Esenbek bopsalaý isi boiynsha 5 jylǵa bas bostandyǵynan aiyrylǵany belgili boldy.
