Talǵardaǵy atyshýly is boıynsha ótip jatqan sot otyrysynda sottalýshy Shyńǵys Belǵojaevtyń marqum Sherzat Bolatty urǵan sáti beınejazbadan kórsetildi, dep habarlaıdy Dalanews.kz.
Sot otyrysynda memlekettik aıyptaýshy Dana Sársenbaı vıdeoda Shyńǵys Belǵojaevtyń jerde jatqan Sherzat Bolat pen Nurqanat Ǵaıypbaevqa birinshi bolyp jaqyndaǵanyn aıtty. Belǵojaev bul jaıtty rastap, marqum Sherzatqa soqqy jasaǵanyn moıyndady.
Men barǵan kezde marqum Sherzat otyrdy. Men sol kezde urdym, - dedi Shyńǵys Belǵojaev.
Men ol kezde shatastyryp soqtym.
- Ne istep shatastyryp soqtyńyz?
- Men myltyq atqan saqaldyny uraıyn dep barǵanmyn. Keıin vıdeodan kórgenimde shatastyryp, Sherzatty urǵanymdy baıqadym.
- Sottalýshy, ol jerde ekeýi (Sherzat Bolat pen Nurqanat Ǵaıypbaev) ekeýi túrli kıimde. Sherzat Bolat qyzyl kıimde bolǵan. Ǵaıypbaev qara kıimde bolǵan. Qalaı qara tús pen qyzyl tústi shatastyrýǵa bolady?
Sotta oqıǵa bolǵan kúni Sherzatty urǵan sát kórsetildi. Vıdeoda oqıǵa ornyndaǵy adamdar jedel járdem shaqyrýdy surap, aıǵaılap jatyr. Vıdeoda bir top adam eki adamdy soqqynyń astyna alyp jatyr.
