تالعارداعى اتىشۋلى ءىس بويىنشا ءوتىپ جاتقان سوت وتىرىسىندا سوتتالۋشى شىڭعىس بەلعوجايەۆتىڭ مارقۇم شەرزات بولاتتى ۇرعان ءساتى بەينەجازبادان كورسەتىلدى، دەپ حابارلايدى Dalanews.kz.
سوت وتىرىسىندا مەملەكەتتىك ايىپتاۋشى دانا سارسەنباي ۆيدەودا شىڭعىس بەلعوجايەۆتىڭ جەردە جاتقان شەرزات بولات پەن نۇرقانات عايىپبايەۆقا ءبىرىنشى بولىپ جاقىنداعانىن ايتتى. بەلعوجايەۆ بۇل جايتتى راستاپ، مارقۇم شەرزاتقا سوققى جاساعانىن مويىندادى.
مەن بارعان كەزدە مارقۇم شەرزات وتىردى. مەن سول كەزدە ۇردىم، - دەدى شىڭعىس بەلعوجايەۆ.
مەن ول كەزدە شاتاستىرىپ سوقتىم.
- نە ىستەپ شاتاستىرىپ سوقتىڭىز؟
- مەن مىلتىق اتقان ساقالدىنى ۇرايىن دەپ بارعانمىن. كەيىن ۆيدەودان كورگەنىمدە شاتاستىرىپ، شەرزاتتى ۇرعانىمدى بايقادىم.
- سوتتالۋشى، ول جەردە ەكەۋى (شەرزات بولات پەن نۇرقانات عايىپبايەۆ) ەكەۋى ءتۇرلى كيىمدە. شەرزات بولات قىزىل كيىمدە بولعان. عايىپبايەۆ قارا كيىمدە بولعان. قالاي قارا ءتۇس پەن قىزىل ءتۇستى شاتاستىرۋعا بولادى؟
سوتتا وقيعا بولعان كۇنى شەرزاتتى ۇرعان ءسات كورسەتىلدى. ۆيدەودا وقيعا ورنىنداعى ادامدار جەدەل جاردەم شاقىرۋدى سۇراپ، ايعايلاپ جاتىر. ۆيدەودا ءبىر توپ ادام ەكى ادامدى سوققىنىڭ استىنا الىپ جاتىر.
