Qazaqstan jaiynda shyndyqqa janaspaityn jaǵymsyz pikir aityp, QR Syrtqy ister ministrliginiń qara tizimine ilikken biraz sheteldik azamattyń bar ekenin kópshilik jaqsy biledi. Qazaqstanǵa kelý quqyǵynan aiyrylǵandardyń kóshin Reseidiń beipil aýyz saiasatkerleri men jýrnalisteri bastaityny anyq. Tengrinews.kz saity Syrtqy ister ministrligine suraý salyp, Qazaqstanǵa kelý quqynan aiyrylǵan sheteldikterdiń kimder ekenin bilýge tyrysypty, – dep habarlaidy Dalanews.kz.
Óz kezeginde QR Syrtqy ister ministrligi mundai sheteldik azamattardyń bar ekenin rastap, biraq olardyń tizimin ashyq aqparat kózderinde jariialanbaitynyn málimdepti.
– Álemdik is-tájiibede kez kelgen memleket óziniń aýmaǵyna kiriýge bolaityn sheteldik azamattarǵa non grata jariialaidy. Qazaqstan da mundai is-tájiribeni qoldanady. Biraq non grataǵa ushyraǵan personalardyń tizimi ashyq aqparat kózinde jariialanbaidy, – depti QR SIM ókili Aibek Smadiiarov.
Osydan birshama ýaqyt buryn Qazaqstandy qaralap, áleýmettik jelide Qazaqstanda orys tili qysymǵa ushyrap jatyr dep eki eldiń arasyna syna qaqqan reseilik jýrnalist Tina Kandelakiǵa Qazaq jerin attap basýǵa shekteý qoiyldy. Áligi non grataǵa ushyraǵan personalar tiziminiń bel ortasynda Tina hanymnyń turǵany anyq.
Budan basqa 2022 jyly sáýir aiynda Qazaqstandy orynsyz qaralǵan taǵy bir reseilik jýrnalist Tigran Keosaian aýyzdan avariia bolǵan edi. Búginde ol da Qazaqstanǵa kelý quqyǵynan aiyrylǵan.
Al saiasatkerler arasynda Qazaqstan tarapynan non grataǵa ushyraýǵa tiis tulǵalardyń kóshin qaitys bolǵan Vladimir Jirinovskii pen Evgeniia Fedorov bastap turýy múmkin.
