قازاقستان جايىندا شىندىققا جاناسپايتىن جاعىمسىز پىكىر ايتىپ، ق ر سىرتقى ىستەر مينيسترلىگىنىڭ قارا تىزىمىنە ىلىككەن ءبىراز شەتەلدىك ازاماتتىڭ بار ەكەنىن كوپشىلىك جاقسى بىلەدى. قازاقستانعا كەلۋ قۇقىعىنان ايىرىلعانداردىڭ كوشىن رەسەيدىڭ بەيپىل اۋىز ساياساتكەرلەرى مەن جۋرناليستەرى باستايتىنى انىق. Tengrinews.kz سايتى سىرتقى ىستەر مينيسترلىگىنە سۇراۋ سالىپ، قازاقستانعا كەلۋ قۇقىنان ايىرىلعان ششەتەلدىكتەردىڭ كىمدەر ەكەنىن بىلۋگە تىرىسىپتى، – دەپ حابارلايدى Dalanews.kz.
ءوز كەزەگىندە ق ر سىرتقى ىستەر مينيسترلىگى مۇنداي شەتەلدىك ازاماتتاردىڭ بار ەكەنىن راستاپ، ءبىراق ولاردىڭ ءتىزىمىن اشىق اقپارات كوزدەرىندە جاريالانبايتىنىن مالىمدەپتى.
– الەمدىك ىس-تاجىيبەدە كەز كەلگەن مەملەكەت ءوزىنىڭ اۋماعىنا كىرىۋگە بولايتىن شەتەلدىك ازاماتتارعا نون گراتا جاريالايدى. قازاقستان دا مۇنداي ىس-تاجىريبەنى قولدانادى. ءبىراق نون گراتاعا ۇشىراعان پەرسونالاردىڭ ءتىزىمى اشىق اقپارات كوزىندە جاريالانبايدى، – دەپتى ق ر ءسىم وكىلى ايبەك سمادياروۆ.
وسىدان ءبىرشاما ۋاقىت بۇرىن قازاقستاندى قارالاپ، الەۋمەتتىك جەلىدە قازاقستاندا ورىس ءتىلى قىسىمعا ۇشىراپ جاتىر دەپ ەكى ەلدىڭ اراسىنا سىنا قاققان رەسەيلىك جۋرناليست تينا كاندەلاكيعا قازاق جەرىن اتتاپ باسۋعا شەكتەۋ قويىلدى. الىگى نون گراتاعا ۇشىراعان پەرسونالار ءتىزىمىنىڭ بەل ورتاسىندا تينا حانىمنىڭ تۇرعانى انىق.
بۇدان باسقا 2022 جىلى ءساۋىر ايىندا قازاقستاندى ورىنسىز قارالعان تاعى ءبىر رەسەيلىك جۋرناليست تيگران كەوسايان اۋىزدان اۆاريا بولعان ەدى. بۇگىندە ول دا قازاقستانعا كەلۋ قۇقىعىنان ايىرىلعان.
ال ساياساتكەرلەر اراسىندا قازاقستان تاراپىنان نون گراتاعا ۇشىراۋعا ءتيىس تۇلعالاردىڭ كوشىن قايتىس بولعان ۆلاديمير جيرينوۆسكيي پەن ەۆگەنيا فەدوروۆ باستاپ تۇرۋى مۇمكىن.
