يلون ماسكتىڭ SpaceX كومپانيياسى اكتسييالارىن قور نارىعىنا شىعارۋعا رەسمي ٶتٸنٸم بەردٸ. كومپانييا IPO ارقىلى 75 ميلليارد دوللار ينۆەستيتسييا تارتۋدى جوسپارلاپ وتىر. بۇل ۋولل-ستريت تاريحىنداعى ەڭ ٸرٸ بيرجالىق ورنالاستىرۋلاردىڭ بٸرٸ بولۋى مٷمكٸن, ,دەپ حابارلايدى dalanews.kz.
مەلٸمەتتەرگە سەيكەس, SpaceX اكتسييالارى بيىل ماۋسىم ايىندا امەريكالىق Nasdaq بيرجاسىندا SPCX اتاۋىمەن ساۋدالانا باستاۋى مٷمكٸن. IPO ٶتكەننەن كەيٸن دە يلون ماسك كومپانييانىڭ باسشىسى بولىپ قالا بەرەدٸ.
SpaceX وسىعان دەيٸن قارجىلاي كٶرسەتكٸشتەرٸن تولىق جارييالاپ كٶرمەگەن. ال ەندٸ كومپانييا 2025 جىلعى ەسەبٸن العاش رەت اشىق كٶرسەتتٸ. بىلتىر SpaceX-تٸڭ تابىسى 18,7 ميلليارد دوللارعا جەتكەن. بٸراق جاڭا تەحنولوگييالار مەن عارىش جوبالارىنا كٶپ قارجى سالىنعاندىقتان, كومپانييا 2,6 ميلليارد دوللار شىعىنعا ۇشىراعان.
سونىمەن قاتار SpaceX جاقىن ۋاقىتتا ينۆەستورلارعا ديۆيدەند تٶلەمەيتٸنٸن مەلٸمدەدٸ. كومپانييا بارلىق تابىستى جاڭا جوبالاردى دامىتۋعا جۇمساماق.
ساراپشىلاردىڭ باعالاۋىنشا, قازٸر SpaceX-تٸڭ نارىقتاعى جالپى قۇنى 1,25 تريلليون دوللار شاماسىندا. ال يلون ماسكتىڭ كومپانيياداعى ٷلەسٸ 600 ميلليارد دوللاردان اسادى.
ەگەر IPO سەتتٸ ٶتسە, ماسك ەلەمدەگٸ ەڭ باي ادام مەرتەبەسٸن ساقتاپ قانا قويماي, تاريحتاعى العاشقى دوللارلىق تريلليونەر اتانۋى مٷمكٸن.
