Shveısarıanyń Federaldyq keńesi Venesýela basshysy Nıkolas Madýroǵa jáne onymen baılanysy bar tulǵalarǵa tıesili, el aýmaǵynda saqtaýly barlyq aktıvke tyıym salý týraly sheshim qabyldady, dep habarlaıdy Dalanews.kz.

Alaıda bul shekteý Venesýelanyń qazirgi úkimet múshelerine qoldanylmaıdy.

Qabyldanǵan sheshim jarıalanǵan sátten bastap kúshine endi jáne arnaıy habarlama shyqqanǵa deıin tórt jyl boıy áreket etedi. Shveısarıa bıliginiń málimdeýinshe, shara aldyn alý maqsatynda engizilgen. Sondaı-aq ol zańsyz jolmen alynýy múmkin qarajat pen múliktiń elden shyǵarylyp ketýine jol bermeýge baǵyttalǵan.

Eske salaıyq, AQSH prezıdenti Donald Tramp Venesýela prezıdenti Nıkolas Madýronyń ustalǵanyn málimdegen bolatyn. 

Tramptyń jazýynsha, AQSH Venesýelaǵa jáne el basshysy Nıkolas Madýroǵa qarsy aýqymdy operasıa júrgizgen. Onyń aıtýynsha, Madýro jubaıymen birge ustalyp, elden evakýasıalanǵan. Operasıa AQSH-tyń quqyq qorǵaý organdarymen birlesip atqarylǵan.

Dalanews.kz redaksıasy atalǵan máselege baılanysty saıasattanýshy Qazbek Maıgeldınov pen ekonomıs ári R-Finance sarapshysy Arman Baıǵanovtyń pikirin surap bilgen edi.