شۆەيساريانىڭ فەدەرالدىق كەڭەسى ۆەنەسۋەلا باسشىسى نيكولاس مادۋروعا جانە ونىمەن بايلانىسى بار تۇلعالارعا تيەسىلى، ەل اۋماعىندا ساقتاۋلى بارلىق اكتيۆكە تىيىم سالۋ تۋرالى شەشىم قابىلدادى، دەپ حابارلايدى Dalanews.kz.
الايدا بۇل شەكتەۋ ۆەنەسۋەلانىڭ قازىرگى ۇكىمەت مۇشەلەرىنە قولدانىلمايدى.
قابىلدانعان شەشىم جاريالانعان ساتتەن باستاپ كۇشىنە ەندى جانە ارنايى حابارلاما شىققانعا دەيىن ءتورت جىل بويى ارەكەت ەتەدى. شۆەيساريا بيلىگىنىڭ مالىمدەۋىنشە، شارا الدىن الۋ ماقساتىندا ەنگىزىلگەن. سونداي-اق ول زاڭسىز جولمەن الىنۋى مۇمكىن قاراجات پەن مۇلىكتىڭ ەلدەن شىعارىلىپ كەتۋىنە جول بەرمەۋگە باعىتتالعان.
ەسكە سالايىق، اقش پرەزيدەنتى دونالد ترامپ ۆەنەسۋەلا پرەزيدەنتى نيكولاس مادۋرونىڭ ۇستالعانىن مالىمدەگەن بولاتىن.
ترامپتىڭ جازۋىنشا، اقش ۆەنەسۋەلاعا جانە ەل باسشىسى نيكولاس مادۋروعا قارسى اۋقىمدى وپەراسيا جۇرگىزگەن. ونىڭ ايتۋىنشا، مادۋرو جۇبايىمەن بىرگە ۇستالىپ، ەلدەن ەۆاكۋاسيالانعان. وپەراسيا اقش-تىڭ قۇقىق قورعاۋ ورگاندارىمەن بىرلەسىپ اتقارىلعان.
Dalanews.kz رەداكسياسى اتالعان ماسەلەگە بايلانىستى ساياساتتانۋشى قازبەك مايگەلدينوۆ پەن ەكونوميست ءارى R-Finance ساراپشىسى ارمان بايعانوۆتىڭ پىكىرىن سۇراپ بىلگەن ەدى.
