Jambyl oblysynda koronavirýs dertine kúdik keltirilgen eki Qytai azamaty poiyzdan túsirildi. Dárigerler virýstyń tabylmaǵanyn aitty, dep habarlaidy Dalanews.kz.
Jelide "skafandr" kigen dárigerlerdiń poiyzǵa júgirip bara jatqan sýreti tarap jatyr. "Shý stantsiiasynda eki jolaýshy koronavirýs juqtyrdy degen kúdikpen poiyz toqtatyldy", delingen sýret astyndaǵy jazbada.
- Saryaǵash-Nur-Sultan baǵytyndaǵy poiyzdan 29 qańtarda túsirilgen Qytai azamattarynan juqpaly virýs belgileri tabylmady, dep habarlady ortalyq aýdandyq aýrýhananyń bas dárigeri Muqataev.
- Túshkire bergennen soń kúdik keltirilip, Qytai azamattary aýdandyq juqpaly aýrýlar aýrýhanasynyń bólimine jetkizildi. Azamattardy tekserý kezinde virýs belgileri bolmaǵany anyqtaldy. Jaǵdai baqylaýda. Aýdanda qaýipti infektsiialardyń aldyn-alý úshin arnaiy jabdyqtalǵan jedel járdem kóligi bar. Bosqa dúrlikpeýlerińizdi suraimyz, -deidi Shý aýdanynyń ákimdigindegiler.
