جامبىل وبلىسىندا كوروناۆيرۋس دەرتىنە كۇدىك كەلتىرىلگەن ەكى جۇڭگو ازاماتى پويىزدان ءتۇسىرىلدى. دارىگەرلەر ۆيرۋستىڭ تابىلماعانىن ايتتى، دەپ حابارلايدى Dalanews.kz.
جەلىدە "سكافاندر" كيگەن دارىگەرلەردىڭ پويىزعا جۇگىرىپ بارا جاتقان سۋرەتى تاراپ جاتىر. "شۋ ستانسياسىندا ەكى جولاۋشى كوروناۆيرۋس جۇقتىردى دەگەن كۇدىكپەن پويىز توقتاتىلدى"، دەلىنگەن سۋرەت استىنداعى جازبادا.
- سارىاعاش-نۇر-سۇلتان باعىتىنداعى پويىزدان 29 قاڭتاردا تۇسىرىلگەن جۇڭگو ازاماتتارىنان جۇقپالى ۆيرۋس بەلگىلەرى تابىلمادى، دەپ حابارلادى ورتالىق اۋداندىق اۋرۋحانانىڭ باس دارىگەرى مۇقاتايەۆ.
- تۇشكىرە بەرگەننەن سوڭ كۇدىك كەلتىرىلىپ، جۇڭگو ازاماتتارى اۋداندىق جۇقپالى اۋرۋلار اۋرۋحاناسىنىڭ بولىمىنە جەتكىزىلدى. ازاماتتاردى تەكسەرۋ كەزىندە ۆيرۋس بەلگىلەرى بولماعانى انىقتالدى. جاعداي باقىلاۋدا. اۋداندا ءقاۋىپتى ينفەكسيالاردىڭ الدىن-الۋ ءۇشىن ارنايى جابدىقتالعان جەدەل جاردەم كولىگى بار. بوسقا دۇرلىكپەۋلەرىڭىزدى سۇرايمىز، -دەيدى شۋ اۋدانىنىڭ اكىمدىگىندەگىلەر.
