ShQO turǵyny birneshe ai boiy Bas prokýrormen kezdese almai, sotqa júgindi, dep habarlaidy Dalanews.kz.
Nurlan Áýbákirov Bas prokýratýraǵa jeke qabyldaýǵa jazylýǵa tyrysqan, biraq ótinishi oblystyq prokýratýraǵa qaita jiberilgen. Ol dál osy vedomstvonyń áreketterin zańsyz dep sanap, joǵary turǵan organnyń basshylyǵymen tikelei sóileskisi kelgen.
Áýbákirovtiń aitýynsha, ol ShQO-daǵy ondaǵan milliard teńgege qatysty jemqorlyq derekterin, sondai-aq, quqyq qorǵaý organdarynyń áreketsizdigin jetkizgisi kelgen. Oblystyq prokýratýramen másele sheshilmegendikten, ol Bas prokýrordyń jeke qabyldaýyn talap etken.
Sot onyń ýájderin qarap, mynadai sheshim shyǵarǵan: Bas prokýratýranyń qabyldaýǵa jazýdan bas tartýy zańsyz. Vedomstvo ákimshilik rásimdi sottyń ustanymyn eskere otyryp aiaqtaýǵa tiis. Al Bas prokýrordyń ózin jaýapker retinde tartý talaby qanaǵattandyrylmady.
