شقو تۇرعىنى بٸرنەشە اي بويى باس پروكۋرورمەن كەزدەسە الماي, سوتقا جٷگٸندٸ, دەپ حابارلايدى Dalanews.kz.
نۇرلان ەۋبەكٸروۆ باس پروكۋراتۋراعا جەكە قابىلداۋعا جازىلۋعا تىرىسقان, بٸراق ٶتٸنٸشٸ وبلىستىق پروكۋراتۋراعا قايتا جٸبەرٸلگەن. ول دەل وسى ۆەدومستۆونىڭ ەرەكەتتەرٸن زاڭسىز دەپ ساناپ, جوعارى تۇرعان ورگاننىڭ باسشىلىعىمەن تٸكەلەي سٶيلەسكٸسٸ كەلگەن.
ەۋبەكٸروۆتٸڭ ايتۋىنشا, ول شقو-داعى ونداعان ميلليارد تەڭگەگە قاتىستى جەمقورلىق دەرەكتەرٸن, سونداي-اق, قۇقىق قورعاۋ ورگاندارىنىڭ ەرەكەتسٸزدٸگٸن جەتكٸزگٸسٸ كەلگەن. وبلىستىق پروكۋراتۋرامەن مەسەلە شەشٸلمەگەندٸكتەن, ول باس پروكۋروردىڭ جەكە قابىلداۋىن تالاپ ەتكەن.
سوت ونىڭ ۋەجدەرٸن قاراپ, مىناداي شەشٸم شىعارعان: باس پروكۋراتۋرانىڭ قابىلداۋعا جازۋدان باس تارتۋى زاڭسىز. ۆەدومستۆو ەكٸمشٸلٸك رەسٸمدٸ سوتتىڭ ۇستانىمىن ەسكەرە وتىرىپ اياقتاۋعا تيٸس. ال باس پروكۋروردىڭ ٶزٸن جاۋاپكەر رەتٸندە تارتۋ تالابى قاناعاتتاندىرىلمادى.
