ShQO qurylys, energetika jáne TÚKSh basqarmasynyń aqparatyna súiensek, investor akkredittelgen uiymdy tartý arqyly keshendi tehnikalyq tekserýdi júzege asyrǵan. Qazir bilim berý mekemesiniń qurylysyn aiaqtaýǵa arnalǵan jobalaý-smetalyq qujattamany ázirleýdi júrgizip jatyr.
– Jasalǵan shartqa sáikes investor JSQ ázirleý aiaqtalǵannan keiin qurylysty 18 ai ishinde aiaqtaýǵa mindetti, – delingen aqparatta.
Óz kezeginde bilim berý salasyndaǵy oblystyq ýákiletti organ qajettiligi men oqýshylar kontingentin eskere otyryp, bilim berý mekemesiniń beiinin anyqtaýy kerek. Osy zertteýdiń nátijeleri boiynsha jańa obektiniń baǵyty sheshiletin bolady.
Onda jyl saiyn kem degende 700 stýdent oqyp, mashina jasaý salasynyń jumysshy mamandyqtaryn igerýi kerek edi. Alaida biýdjet qarajatyn urlaý faktileri anyqtalyp, nátijesinde ýákiletti organdar 2012 jyly QR BǴM jaýapty tulǵalary men qurylysqa qatysýshylarǵa qatysty qylmystyq is qozǵady.
Osy oraida 19 turǵyn aýdanynda turǵyn úi qurylysynyń serpindi ósip kele jatqanyn aityp ótý qajet. Aýdannyń egjei-tegjeili josparlaý jobasyna sáikes «Jaily mektep» ulttyq jobasy sheńberinde qýaty 2024 jyly iske qosylatyn 600 oryndyq 2 jalpy bilim beretin mekteptiń qurylysy bastaldy. Sondai-aq bilim berý infraqurylymyn qoldaý qorynyń qarajaty esebinen 400 oryndyq bilim berý mekemesin salý máselesi pysyqtalyp jatyr.
