Mereke aiasynda ShQO-da óńir men eldiń damýyna eleýli úles qosqan shyǵysqazaqstandyqtardy merekeleýdiń saltanatty rásimderi ótedi. Budan basqa áleýmettik, qaiyrymdylyq jáne ekologiialyq aktsiialar uiymdastyrylady. Bul týraly ShQO óńirlik kommýnikatsiialar qyzmeti alańynda ótken baspasóz konferentsiiasynda Qoǵamdyq damý basqarmasynyń basshysy Serik Jeńisov aityp ótti.
– Oblys turǵyndary "Qyran elim-Qazaqstan!"onyń aiasynda Memlekettik Gimndi jappai oryndaý, sondai-aq týdy saltanatty túrde kóterý sharasy ótedi. Bilim jáne mádeniet uiymdarynda Respýblika kúnine arnalǵan kórmeler, dárister, synyp saǵattary ótpek, – dedi Serik Jeńisov.
21-28 qazan aralyǵynda "Ertis Kontsert" ǵimaratynda oblys ortalyǵynyń turǵyndary men qonaqtary úshin "Uly dala altyny" kórmesi, kilem toqý sheberleri jáne "Abai álemi"kitap kórmesi ashyldy. Sonymen qatar, mereke kúni oblystyń kieli oryndarynyń biri-memlekettik rámizder taýyna shyǵý biregei sharasy ótpek. Barlyq niet bildirýshiler qatysa alady.
Sonymen qatar, óńirde birqatar áleýmettik nysandardy ashý josparlanýda. Óskemen qalasynda 150 oryndyq "Family Island-2" balabaqshasy paidalanýǵa beriledi.
– Zaisan aýdanynda Shilikti, Keńsai, Daiyr aýyldarynda kúrdeli jóndeýden keiin úsh aýyldyq dárigerlik ambýlatoriia, Daiyr aýylynda "Shyǵys Meiirimi" ońaltý ortalyǵy, Jambyl, Qainar, Qýanysh aýyldarynda kúrdeli jóndeýden keiin meditsinalyq pýnktter, Kógedai aýylynda shaǵyn fýtbol alańy ashylady, sondai-aq Qainar aýylynda sý qubyry iske qosylady, – dedi spiker.
Tarbaǵatai aýdanynda Tuǵyl aýylyndaǵy Mádeniet úiiniń aýmaǵynda sýburqaq, balalar oiyn alańy, alleia, Aqmektep aýylyndaǵy meditsinalyq pýnkt saltanatty túrde ashylady, Ulan aýdanynda Kamenka, Almasai, Kazache aýyldarynda birqatar sport alańdaryn ashý josparlanýda, al Shemonaiha aýdanynda "Lesenka" balalardy damytý ortalyǵy ashylady.
– Barlyq eldi mekenderde bizdiń súiikti Otanymyz týraly tanymal kompozitorlardyń ánderi shyrqalady. Shyǵys qazaqstandyqtardy Respýblika kúni merekesine orai ótkiziletin is-sharalarǵa belsendi qatysýǵa shaqyramyz, – dep atap ótti Serik Jeńisov.
