Keńestiń beine-selektor rejiminde ótkizilýi oblystyq apparat qyzmetteriniń barlyq basshylarynyń, aýdandyq basqarmalar men bólimderdiń bastyqtary men jeke quramynyń qatysýyna múmkindik berdi.
Politsiia departamentiniń bastyǵy S.Madiev óz sózinde sybailas jemqorlyqtyń aldyn alý jáne oǵan qarsy is-qimyl máseleleri departament basshylyǵynyń qatań baqylaýynda ekenin atap ótti. Sybailas jemqorlyqtyń jáne basqa da zańdylyqty buzý faktileriniń aldyn alý, jolyn kesý jáne anyqtaý maqsatynda ózindik qaýipsizdik bólimshelerimen turaqty negizde jedel-profilaktikalyq jáne reidtik is-sharalar júrgiziledi.
Sonymen qatar, keńes barysynda ShQO Sybailas jemqorlyqqa qarsy qyzmetiniń QR QIJK 200-baby tártibinde usynymy talqylandy. Atap aitqanda, 2019 jyly jáne aǵymdaǵy jyldyń 8 aiy ishinde oblystyń ishki ister organdarynyń atyna qylmystyq quqyqbuzýshylyq jáne basqa da zań buzýshylyqtardy jasaýǵa yqpal etken mán-jailardy joiý boiynsha 52 usynym engizildi. Olardy qaraý nátijeleri boiynsha 43 qyzmetker túrli tártiptik jaýapkershilikke tartyldy.
Taldaý kórsetkendei, qylmystardyń kópshiligin ákimshilik politsiia, jedel-tergeý qyzmeti, qylmystyq-atqarý júiesi qyzmetkerleri jasaǵan.
Olar negizinen qylmystyq isterdi zańsyz toqtatqany, ákimshilik jaýapkershilikten bosatqany úshin para alýmen bailanysty.
– Barlyqtaryńyzdy óz boryshtaryńyzdy adal oryndaýǵa, zańsyzdyqtarǵa jol bermeýge shaqyramyn. Munyń bári erte me, kesh pe belgili bolady. Sonda quqyqtyq saldary bolady, – dep atap ótti E.Jalmaǵambet.
Qorytyndylai kele, ShQO Sybailas jemqorlyqqa qarsy qyzmetiniń basshysy politsiia departamentiniń barlyq qurylymdyq bólimshelerinde sybailas jemqorlyq táýekelderine ishki taldaý júrgizýdi jáne qaramaǵyndaǵy qyzmetkerlerdiń sybailas jemqorlyq quqyq buzýshylyqtaryn jasaǵany úshin laýazymdy tulǵalardyń jaýapkershiligin qamtamasyz ete otyryp, jeke quram arasynda sybailas jemqorlyqtyń aldyn alý boiynsha sharalar keshenin ázirleýdi usyndy.
Keńes sońynda ShQO PD bastyǵy S.Madiev barlyq qatysýshylarǵa sybailas jemqorlyqqa qarsy zańnamany qatań saqtaý týraly eskertti jáne birqatar naqty tapsyrmalar berdi.
Sybailas jemqorlyq faktileri týraly kez kelgen azamat 24/7 rejiminde jumys isteitin 1424 Call ortalyǵy arqyly Sybailas jemqorlyqqa qarsy qyzmetke habarlai alatynyn esterińizge salamyz.
