كەڭەستىڭ بەينە-سەلەكتور رەجيمىندە وتكىزىلۋى وبلىستىق اپپارات قىزمەتتەرىنىڭ بارلىق باسشىلارىنىڭ، اۋداندىق باسقارمالار مەن بولىمدەردىڭ باستىقتارى مەن جەكە قۇرامىنىڭ قاتىسۋىنا مۇمكىندىك بەردى.
پوليسيا دەپارتامەنتىنىڭ باستىعى س.مادييەۆ ءوز سوزىندە سىبايلاس جەمقورلىقتىڭ الدىن الۋ جانە وعان قارسى ءىس-قيمىل ماسەلەلەرى دەپارتامەنت باسشىلىعىنىڭ قاتاڭ باقىلاۋىندا ەكەنىن اتاپ ءوتتى. سىبايلاس جەمقورلىقتىڭ جانە باسقا دا زاڭدىلىقتى بۇزۋ فاكتىلەرىنىڭ الدىن الۋ، جولىن كەسۋ جانە انىقتاۋ ماقساتىندا وزىندىك قاۋىپسىزدىك بولىمشەلەرىمەن تۇراقتى نەگىزدە جەدەل-پروفيلاكتيكالىق جانە رەيدتىك ءىس-شارالار جۇرگىزىلەدى.
سونىمەن قاتار، كەڭەس بارىسىندا شقو سىبايلاس جەمقورلىققا قارسى قىزمەتىنىڭ ق ر قىجك 200-بابى تارتىبىندە ۇسىنىمى تالقىلاندى. اتاپ ايتقاندا، 2019 جىلى جانە اعىمداعى جىلدىڭ 8 ايى ىشىندە وبلىستىڭ ىشكى ىستەر ورگاندارىنىڭ اتىنا قىلمىستىق قۇقىقبۇزۋشىلىق جانە باسقا دا زاڭ بۇزۋشىلىقتاردى جاساۋعا ىقپال ەتكەن ءمان-جايلاردى جويۋ بويىنشا 52 ۇسىنىم ەنگىزىلدى. ولاردى قاراۋ ناتيجەلەرى بويىنشا 43 قىزمەتكەر ءتۇرلى تارتىپتىك جاۋاپكەرشىلىككە تارتىلدى.
تالداۋ كورسەتكەندەي، قىلمىستاردىڭ كوپشىلىگىن اكىمشىلىك پوليسيا، جەدەل-تەرگەۋ قىزمەتى، قىلمىستىق-اتقارۋ جۇيەسى قىزمەتكەرلەرى جاساعان.
ولار نەگىزىنەن قىلمىستىق ىستەردى زاڭسىز توقتاتقانى، اكىمشىلىك جاۋاپكەرشىلىكتەن بوساتقانى ءۇشىن پارا الۋمەن بايلانىستى.
– بارلىقتارىڭىزدى ءوز بورىشتارىڭىزدى ادال ورىنداۋعا، زاڭسىزدىقتارعا جول بەرمەۋگە شاقىرامىن. مۇنىڭ ءبارى ەرتە مە، كەش پە بەلگىلى بولادى. سوندا قۇقىقتىق سالدارى بولادى، – دەپ اتاپ ءوتتى ە.جالماعامبەت.
قورىتىندىلاي كەلە، شقو سىبايلاس جەمقورلىققا قارسى قىزمەتىنىڭ باسشىسى پوليسيا دەپارتامەنتىنىڭ بارلىق قۇرىلىمدىق بولىمشەلەرىندە سىبايلاس جەمقورلىق تاۋەكەلدەرىنە ىشكى تالداۋ جۇرگىزۋدى جانە قاراماعىنداعى قىزمەتكەرلەردىڭ سىبايلاس جەمقورلىق قۇقىق بۇزۋشىلىقتارىن جاساعانى ءۇشىن لاۋازىمدى تۇلعالاردىڭ جاۋاپكەرشىلىگىن قامتاماسىز ەتە وتىرىپ، جەكە قۇرام اراسىندا سىبايلاس جەمقورلىقتىڭ الدىن الۋ بويىنشا شارالار كەشەنىن ازىرلەۋدى ۇسىندى.
كەڭەس سوڭىندا شقو پد باستىعى س.مادييەۆ بارلىق قاتىسۋشىلارعا سىبايلاس جەمقورلىققا قارسى زاڭنامانى قاتاڭ ساقتاۋ تۋرالى ەسكەرتتى جانە ءبىرقاتار ناقتى تاپسىرمالار بەردى.
سىبايلاس جەمقورلىق فاكتىلەرى تۋرالى كەز كەلگەن ازامات 24/7 رەجيمىندە جۇمىس ىستەيتىن 1424 Call ورتالىعى ارقىلى سىبايلاس جەمقورلىققا قارسى قىزمەتكە حابارلاي الاتىنىن ەستەرىڭىزگە سالامىز.
