«Nur Otan» partiiasy Shyǵys Qazaqstan oblystyq filialy tóraǵasynyń birinshi orynbasary Oleg Chýgýnkov Óskemen qalasynyń jastarymen kezdesip praimerizge qatysty suraqtarǵa jaýap berdi.
– Praimeriz jariialanǵaly bir apta ýaqyt ótti. Osy aralyqta oblys boiynsha 707 adam praimerizge qatysýǵa ótinim bildirse, 661 adam resmi túrde tirkelip úmitker atandy. Bul rette óńir jastarynyń belsendiligi joǵary. Partiiaishilik irikteýge 35 jasqa deiingi 180 adam (25%) tirkelip otyr. Ózderińizge belgili, partiia lideri Nursultan Nazarbaev elimizdiń sailanbaly organdarynda 35 jasqa deiingi jastardyń úlesin 20 paiyzǵa arttyrýdy tapsyrǵan bolatyn. Bul partiiaishilik irikteý praimerizde eskerilip otyr. Osynaý múmkindikti sizder tiimdi paidalanyp elimizdiń igiligi úshin jumys isteýlerińiz qajet, – dedi Oleg Chýgýnkov.
Praimerizge qatysýǵa niet bildirgenderdiń 41,6% – áielder. Bastaýysh partiia uiymdarynan 232 adam (32,7%) usynylǵan bolsa, qalǵan 429 adam (60,3%) – ózin-ózi usynýshylar.
Sonymen qatar 11 kópbalaly ana men 6 erekshe qajettiligi bar adam usynylǵan. «Praimerizge tirkeý bastalǵan kúnnen bastap qajetti qujattarymdy jinastyryp, qalamyzdaǵy partiia filialyna baryp ótkizdim. Elimizde tuńǵysh ótkizilip jatqan sharaǵa qatysyp baǵymdy synamaqpyn. Bul elimizdiń jastary úshin úlken múmkindik» deidi Óskemen qalalyq Jastar ortalyǵynyń basshysy Syrym Bektasuly.
