«Nur Otan» پارتيياسى شىعىس قازاقستان وبلىستىق فيليالى تٶراعاسىنىڭ بٸرٸنشٸ ورىنباسارى ولەگ چۋگۋنكوۆ ٶسكەمەن قالاسىنىڭ جاستارىمەن كەزدەسٸپ پرايمەريزگە قاتىستى سۇراقتارعا جاۋاپ بەردٸ.
– پرايمەريز جارييالانعالى بٸر اپتا ۋاقىت ٶتتٸ. وسى ارالىقتا وبلىس بويىنشا 707 ادام پرايمەريزگە قاتىسۋعا ٶتٸنٸم بٸلدٸرسە, 661 ادام رەسمي تٷردە تٸركەلٸپ ٷمٸتكەر اتاندى. بۇل رەتتە ٶڭٸر جاستارىنىڭ بەلسەندٸلٸگٸ جوعارى. پارتيياٸشٸلٸك ٸرٸكتەۋگە 35 جاسقا دەيٸنگٸ 180 ادام (25%) تٸركەلٸپ وتىر. ٶزدەرٸڭٸزگە بەلگٸلٸ, پارتييا ليدەرٸ نۇرسۇلتان نازارباەۆ ەلٸمٸزدٸڭ سايلانبالى ورگاندارىندا 35 جاسقا دەيٸنگٸ جاستاردىڭ ٷلەسٸن 20 پايىزعا ارتتىرۋدى تاپسىرعان بولاتىن. بۇل پارتيياٸشٸلٸك ٸرٸكتەۋ پرايمەريزدە ەسكەرٸلٸپ وتىر. وسىناۋ مٷمكٸندٸكتٸ سٸزدەر تيٸمدٸ پايدالانىپ ەلٸمٸزدٸڭ يگٸلٸگٸ ٷشٸن جۇمىس ٸستەۋلەرٸڭٸز قاجەت, – دەدٸ ولەگ چۋگۋنكوۆ.
پرايمەريزگە قاتىسۋعا نيەت بٸلدٸرگەندەردٸڭ 41,6% – ەيەلدەر. باستاۋىش پارتييا ۇيىمدارىنان 232 ادام (32,7%) ۇسىنىلعان بولسا, قالعان 429 ادام (60,3%) – ٶزٸن-ٶزٸ ۇسىنۋشىلار.
سونىمەن قاتار 11 كٶپبالالى انا مەن 6 ەرەكشە قاجەتتٸلٸگٸ بار ادام ۇسىنىلعان. «پرايمەريزگە تٸركەۋ باستالعان كٷننەن باستاپ قاجەتتٸ قۇجاتتارىمدى جيناستىرىپ, قالامىزداعى پارتييا فيليالىنا بارىپ ٶتكٸزدٸم. ەلٸمٸزدە تۇڭعىش ٶتكٸزٸلٸپ جاتقان شاراعا قاتىسىپ باعىمدى سىناماقپىن. بۇل ەلٸمٸزدٸڭ جاستارى ٷشٸن ٷلكەن مٷمكٸندٸك» دەيدٸ ٶسكەمەن قالالىق جاستار ورتالىعىنىڭ باسشىسى سىرىم بەكتاسۇلى.
