Bıylǵy jylǵy maýsymnyń aıaqtalýyna oraı aımaqta birqatar sharalar ótti. Sonyń ishinde, ár aımaqtan kelgen 100-den astam ókil jáne shyǵysqazaqstandyq «Jasyl el» jastar qozǵalysynyń músheleri «Green city» atty tımbıldıngte bas qosyp, tájirıbe almasty. Keıin «Qazaqstandaǵy jasyl tehnologıa damýy» taqyrybynda pikir talasyp, oılarymen bólisti.
– «Jasyl el» qataryna qosylyp jatqan jastardyń sany ár jyl saıyn ósip keledi. Bıylǵy maýsymnyń ózine 18 myńnan astam belsendi qatysty. Búgingi kúni álemde jasyl tehnologıa, jasyl ekonomıka máseleri ózekti bolǵandyqtan, osyndaı iri baǵdarlamalar qolǵa alǵan jobalar iske asýy qajet, – dedi QR Din jáne azamattyq qoǵam mınıstrliginiń jastar saıasaty jónindegi departament dırektory Ǵabıdýlla Ospanqulov.
Maýsym qorytyndysyna arnalǵan sharalar saltanatty jıynmen jalǵasyn tapty. Bıylǵy maýsymda úzdik bolyp tanylǵan «Jasyl el» múshelerin marapattaǵan SHQO İshki saıasat basqarmasynyń basshysy Nellı Krasnobaeva atalmysh qozǵalysty jastardyń qoldaıtyndyǵyna senimdi ekenin jetkizdi.
