Qalada pandemiiany aýyzdyqtaý maqsatynda Jedel shtab qurylǵan bolatyn. Atalǵan uiymnyń atqarǵan isteri boiynsha qala ákiminiń birinshi orynbasary Shyńǵys Muqan esep berip, indetke bailanysty qalyptasyp otyrǵan jaǵdai kúrdeli ekenin aitty.
Jahan elderiniń barlyǵynda indet taralýy qarqyn alǵan. Ázirdiń ózinde Qazaqstanda 10 óńir indet juqtyrǵandardyń kórsetkishi boiynsha qyzyl aimaqqa ótken.
Osy kúnge deiin elimizde COVID-19 dertimen aýyrǵan 448 myń adam anyqtalsa, onyń 408 myńnan astamy jazylyp shyqqan.
Shymkent qalasynda jyl basynan beri koronavirýs infektsiiasymen aýyrǵan 8931 adam tirkelgen, onyń ishinde 7448-i aýrýdan aiyǵyp shyqqan.
"Dál qazir 1083 adam statsionarlarda em qabyldap jatyr. Sońǵy bir táýlikte 126 naýqas aýrýhanaǵa túsken. Osyny eskerip, #2 qalalyq aýrýhana ýaqytsha infektsiialyq aýrýhanaǵa ainaldyryldy. Kópshilik oryndarǵa barmańyzdar. Saqtanyp júrińizder. Qalada kovidtiń Delta shtamy kezip júr", – dep jazdy osy oraida Shyńǵys Muqan álemjelidegi paraqshasynda.
Qalada 45 vaktsina egý beketteri ashylyp, vaktsinanyń I komponentin 303364 adam alsa, bul turǵyndardyń vaktsina alatyn kontingentiniń 56 paiyzyn quraidy. Vaktsinanyń II komponenti 183651 adamǵa egilse, bul kórsetkish belgilengen kontingenttiń 30 paiyzy bolyp otyr.
Epidemiologiialyq ahýaldyń qalyptasý dinamikasyn jiti taldaǵan qala ákimi Murat Áitenov, indet sharyqtaý shegine jaqyndap qalǵandyǵyna nazar aýdardy.
Meditsinalyq uiymdar men sala jetekshileri baqylaýdy kúsheitip, belgilengen algoritm boiynsha jedel is-qimyl jasaýǵa kóshý kerektigin aitty.
Jaýapty tulǵalar men meditsinalyq uiymdar jetekshileriniń habarlamalaryn tyńdaǵan qala basshysy, sońǵy táýlikterde tirkelgen aýrýdyń kúrt ósimine bailanysty, qalanyń meditsinalyq uiymdarynda reanimatsiialyq tósek oryndar sanyn eki ese ulǵaitý jóninde tapsyrma berdi.
Sala jetekshilerine jedel járdem brigadalarynyń jumysyn aýmaqtarǵa bólip, bekitý arqyly turǵyndardan túsken shaqyrtýlarǵa tez jetýin uiymdastyrýdy baqylaýda ustaýdy tapsyrdy. Qala boiynsha mobildi jáne monitoringtik toptar sanyn kóbeitý kerektigin aityp, karantin talaptaryn óreskel buzyp, halyqtyń kóptep shoǵyrlanýyna jol bergen kásipkerlik sýbektilerine qatysty jaýapkershilik sharalaryn qataitý máselesin qarastyrýdy tapsyrdy.
Jiyn barysynda kásipkerlik sýbektileriniń «Ashyq» jobasyna qatysý kórsetkishi tómen ekendigi nazarǵa alyndy.
Qala boiynsha osy jobaǵa búgingi kúnge deiin 764 biznes sýbektileri ǵana qosylǵan. Osy uiymdarǵa kelýshiler arasynan 157 adam - «sary», 66 adam - «qyzyl» statýsy bar ekendigi anyqtalǵan. Bul kórsetkishter óte tómen ekendigi, qala kólemindegi ahýaldy tolyq kórsete almaityndyǵy aityldy.
Aýdan ákimderine, salalyq basqarma basshylaryna «Atameken» Ulttyq kásipkerler palatasy qalalyq filialymen birlese jobanyń tiimdiligin túsindirýge arnalǵan aqparattyq jumystardy kúsheitýdi tapsyrdy.
