107 adamnan turatyn óner ujymy Ońtústik kórermenderine 20-ǵa jýyq shyǵarma oryndady. Olardyń qatarynda Elbasynyń«Týǵan elim», «Shubarat» ánderi oryndaldy. Sondai-aq, kelýshiler Prezidenttik orkestrdiń bi ansambli oryndaýyndaǵy Súgirdiń kúiine arnaiy qoiylǵan «Aqqý» qazaq biin tamashalady.
Aita keterligi, Prezident orkestri – respýblikalyq ulannyń quramynda 1992 jyly qurylǵan. Alǵashqy tobyn Respýblikalyq ulannyń Úrmeli orkestri bastaǵan. Orkestrge memlekettik deńgeidegi protokoldyq, diplomatiialyq saltanatty is-sharalardy sazdy baǵdarlamalarmen qamtamasyz etý maqsaty júktelgen.
Qazirgi ýaqytta Prezident orkestri - folklorlyq mýzykadan bastap klassikalyq, akademiialyq, sondai-aq búkilálemdik mýzyka janrlaryn oryndaityn shyǵarmashylyq top. Búgingi orkestr quramyna án-bi ansambli, Halyq mýzyka ansambli jáne kameralyq mýzyka orkestri toptalǵan. Orkestrdegi Halyq ansambliniń quramyna kóptegen konkýrstardyń bas júldesin ielengen M.Núkeev, A. Ahmadiev, M. Maldybaev siiaqty daryndy dombyrashylar engen. 2003 jyldan bastap Prezident orkestri kópshilikke óziniń shyǵarmashylyq keshterin uiymdastyryp keledi.
Prezident orkestrine búginde biregei kúishi, mýzyka salasynyń bilgiri R.Kúlshebaev basshylyq jasaidy. Kesh sońynda oblys ákimi J.Qanseiituly Prezident orkestiriniń ónerpazdaryna alǵys bildirip, syi-syiapat jasady.
OQO ákiminiń baspasóz qyzmeti
