شىمكەنت قالاسىنداعى تۇركىستان سالتانات سارايىندا ق ر تۇڭعىش پرەزيدەنتى – ەلباسى كىتاپحاناسىنىڭ «ن.نازاربايەۆ: ءداۋىر، تۇلعا، قوعام» اتتى كوشپەلى كورمەسى جوباسى اياسىندا ق ر پرەزيدەنتى وركەسترىنىڭ كونسەرتتى ءوتتى. كەشكە ق ر پرەزيدەنتى كەڭسەسىنىڭ باستىعى – «ق ر تۇڭعىش پرەزيدەنتى – ەلباسىنىڭ كىتاپحاناسى» ءمم-نىڭ ديرەكتورى  م.قاسىمبەكوۆ، وبلىس اكىمى ج.تۇيمەبايەۆ، ق ر مادەنيەت جانە سپورت مينيسترلىگىنىڭ جاۋاپتى حاتشىسى ق.ۋالييەۆ، ءوڭىر زيالىلارى قاتىستى.

107 ادامنان تۇراتىن ونەر ۇجىمى وڭتۇستىك كورەرمەندەرىنە 20-عا جۋىق شىعارما ورىندادى. ولاردىڭ قاتارىندا ەلباسىنىڭ«تۋعان ەلىم»، «شۇبارات» اندەرى ورىندالدى. سونداي-اق، كەلۋشىلەر پرەزيدەنتتىك وركەستردىڭ بي ءانسامبلى ورىنداۋىنداعى سۇگىردىڭ كۇيىنە ارنايى قويىلعان «اققۋ» قازاق ءبيىن تاماشالادى.



ايتا كەتەرلىگى، پرەزيدەنت وركەسترى – رەسپۋبليكالىق ۇلاننىڭ قۇرامىندا 1992 جىلى قۇرىلعان. العاشقى توبىن رەسپۋبليكالىق ۇلاننىڭ ۇرمەلى وركەسترى باستاعان. وركەسترگە مەملەكەتتىك دەڭگەيدەگى پروتوكولدىق، ديپلوماتيالىق سالتاناتتى ءىس-شارالاردى سازدى باعدارلامالارمەن قامتاماسىز ەتۋ ماقساتى جۇكتەلگەن.



قازىرگى ۋاقىتتا پرەزيدەنت وركەسترى - فولكلورلىق مۋزىكادان باستاپ كلاسسيكالىق، اكادەميالىق، سونداي-اق بۇكىلالەمدىك مۋزىكا جانرلارىن ورىندايتىن شىعارماشىلىق توپ. بۇگىنگى وركەستر قۇرامىنا ءان-بي ءانسامبلى، حالىق مۋزىكا ءانسامبلى جانە كامەرالىق مۋزىكا وركەسترى توپتالعان. وركەستردەگى حالىق ءانسامبلىنىڭ قۇرامىنا كوپتەگەن كونكۋرستاردىڭ باس جۇلدەسىن يەلەنگەن م.نۇكەيەۆ، ا. احمادييەۆ، م. مالدىبايەۆ سياقتى دارىندى دومبىراشىلار ەنگەن. 2003 جىلدان باستاپ پرەزيدەنت وركەسترى كوپشىلىككە ءوزىنىڭ شىعارماشىلىق كەشتەرىن ۇيىمداستىرىپ كەلەدى.



پرەزيدەنت وركەسترىنە بۇگىندە بىرەگەي كۇيشى، مۋزىكا سالاسىنىڭ بىلگىرى ر.كۇلشەبايەۆ باسشىلىق جاسايدى. كەش سوڭىندا وبلىس اكىمى ج.قانسەيىت ۇلى پرەزيدەنت وركەستىرىنىڭ ونەرپازدارىنا العىس ءبىلدىرىپ، سىي-سىياپات جاسادى.



وقو اكىمىنىڭ باسپا ءسوز قىزمەتى