Shymkentte júkti áıelder járdemaqy alý úshin jalǵan jumysqa turǵan, dep habarlaıdy Dalanews.kz.
Prokýratýra málimetinshe, Ý.-dyń zańsyz áreketi áshkerelengen. Ol jeke kásipkerlerdiń elektron sıfrlyq qoltańba kiltin paıdalanyp, júkti áıelderdi kásiporynǵa jalǵan jumysqa ornalastyrǵany anyqtalǵan.
"Osydan keıin ol júkti áıelderdiń atyna zańsyz túrde áleýmettik tólem rásimdep, qarajatty óz qajetine jumsaǵan. Zańsyz is-árekettiń saldarynan memleketke 217 mln teńge kóleminde shyǵyn keldi", - dep jazylǵan habarlamada.
Bul derek boıynsha QK-tiń 190-baby 4-bóligine sáıkes qylmystyq is tirkelip, ári qaraı tergep-tekserý úshin Shymkent qalasy boıynsha Ekonomıkalyq tergeý departamentine joldandy.
