شىمكەنتتە جۇكتى ايەلدەر جاردەماقى الۋ ءۇشىن جالعان جۇمىسقا تۇرعان، دەپ حابارلايدى Dalanews.kz.
پروكۋراتۋرا مالىمەتىنشە، ۋ.-دىڭ زاڭسىز ارەكەتى اشكەرەلەنگەن. ول جەكە كاسىپكەرلەردىڭ ەلەكترون سيفرلىق قولتاڭبا كىلتىن پايدالانىپ، جۇكتى ايەلدەردى كاسىپورىنعا جالعان جۇمىسقا ورنالاستىرعانى انىقتالعان.
"وسىدان كەيىن ول جۇكتى ايەلدەردىڭ اتىنا زاڭسىز تۇردە الەۋمەتتىك تولەم راسىمدەپ، قاراجاتتى ءوز قاجەتىنە جۇمساعان. زاڭسىز ىس-ارەكەتتىڭ سالدارىنان مەملەكەتكە 217 ملن تەڭگە كولەمىندە شىعىن كەلدى"، - دەپ جازىلعان حابارلامادا.
بۇل دەرەك بويىنشا قك-تىڭ 190-بابى 4-بولىگىنە سايكەس قىلمىستىق ءىس تىركەلىپ، ءارى قاراي تەرگەپ-تەكسەرۋ ءۇشىن شىمكەنت قالاسى بويىنشا ەكونوميكالىق تەرگەۋ دەپارتامەنتىنە جولداندى.
