Áleýmettik jelide Shymkentte er adam kámáletke tolmaǵan qyzdy alyp qashyp, zorlyq-zombylyq kórsetkeni týraly aqparat tarady, dep habarlaidy Dalanews.kz.
Shymkent qalasynyń 17 jastaǵy turǵyny ózine qatysty aýyr qylmys jasalǵanyn málimdedi. Onyń aitýynsha, buryn-sońdy kórmegen er adam birneshe serigimen jol boiynan kúshtep kólikke otyrǵyzyp, belgisiz baǵytqa alyp qashqan.
Politsiia osy jaǵdaiǵa pikir bildirdi.
"Shymkent turǵynynyń aryzy negizinde politsiia qylmystyq is qozǵady. Bul iske qatysy bar barlyq adam politsiia basqarmasyna jetkizildi. Qazir istiń barlyq mán-jaiyn anyqtaý úshin tergeý júrgizilip jatyr. Tergeý aiaqtalǵannan keiin protsessýaldyq sheshim qabyldanady", - dep jazylǵan habarlamada.
