الەۋمەتتىك جەلىدە شىمكەنتتە ەر ادام كامالەتكە تولماعان قىزدى الىپ قاشىپ، زورلىق-زومبىلىق كورسەتكەنى تۋرالى اقپارات تارادى، دەپ حابارلايدى Dalanews.kz.
شىمكەنت قالاسىنىڭ 17 جاستاعى تۇرعىنى وزىنە قاتىستى اۋىر قىلمىس جاسالعانىن مالىمدەدى. ونىڭ ايتۋىنشا، بۇرىن-سوڭدى كورمەگەن ەر ادام بىرنەشە سەرىگىمەن جول بويىنان كۇشتەپ كولىككە وتىرعىزىپ، بەلگىسىز باعىتقا الىپ قاشقان.
پوليسيا وسى جاعدايعا پىكىر ءبىلدىردى.
"شىمكەنت تۇرعىنىنىڭ ارىزى نەگىزىندە پوليسيا قىلمىستىق ءىس قوزعادى. بۇل ىسكە قاتىسى بار بارلىق ادام پوليسيا باسقارماسىنا جەتكىزىلدى. ءقازىر ءىستىڭ بارلىق ءمان-جايىن انىقتاۋ ءۇشىن تەرگەۋ جۇرگىزىلىپ جاتىر. تەرگەۋ اياقتالعاننان كەيىن پروسەسسۋالدىق شەشىم قابىلدانادى"، - دەپ جازىلعان حابارلامادا.
