Taldyqorǵanda Sherzat Bolattyń isi boiynsha ótip jatqan sot protsesinde aiyptalýshy Azamat Toqtaýbaevtan jaýap alý jalǵastyryp jatyr, dep habarlaidy Dalanews.kz.
Aiyptaýshy Dana Sársenbai sottalýshy Azamat Toqtaýbaevqa birneshe suraq qoidy.
- Aityńyzshy, osy jerdegi basqa sottalýshylarmen bailanysyńyz jaily aityńyzshy? Qai ýaqyttan beri tanisyz?
"Aǵamdy qospaǵanda, Turar Rysqulov aýylynyń týmasy bolǵannan keiin Nurqiias Iliiasovpen kórshimin. Tai qulyndai tebisip, bala kezden birge óstik, ony jasyrmaimyn. Sakiev Ravil, Ysqaq Dýmandy bala kezden tanimyn. Bul jerde Darhandy (Áskentai) tanymaimyn. Qaliahmet Didardy da tanymaimyn, kóp aralaspaǵanbyz. Darhandy sońǵy bir jyl kóleminde tanimyn", - dedi aiyptalýshy.
- Oqiǵa oryn alǵanǵa deiin qai jerde jumys istedińiz? Keshe ózińiz bir sózińizde aspaz ekenińizdi aittyńyz.
"Kóp jerde turǵylyqty da jumys istedim. Shańǵy tebetin jerde baqylaýshy bolyp istedim. Jumys maýsymdyq bolǵannan keiin jeke kásippen, saýdamen ainalysyp, usaq-túiek úi taýarlaryn sattym. Keiin úidiń janyndaǵy qazaqi monshada aspazdyń kómekshisi bolyp jumys istedim", - dep aitty ol.
- Buǵan deiin provatsiia tirkeýinde boldym dedińiz. Aityńyzshy, siz provatsiia tirkeýinde turdyńyz ba álde úkim shyqqan ba?
"Iá, men úiqamaqtaǵy bultartpaý sharasyn buzdym. Ony quqyqbuzýshylyq dep tanysańyzdar, tanyńyzdar. Ózim quqyq buzdym dep esepteimin. Úiden shyqpasam, ondai jaǵdai bolmas edi", - dep aitty sottalýshy.
- Onda nege úiden shyqtyńyz?
"Aýyryp qalǵan edim. Densaýlyq jaǵdaiyma bailanysty dárihanaǵa túsip, kishkentai balama jórgek alýǵa shyqqanmyn", - dedi ol.
Odan bólek sottylyǵyńyz boldy ma? – dep surady prokýror.
"Iá, sottylyǵym boldy. Ony bul iske qatysy joq dep esepteimin. Maǵan osy is boiynsha suraq qoiyńyz, men sizge tolyq jaýap beremin", - dep jaýap berdi Toqtaýbaev.
Prokýror Dana Sársenbai sottalýshnyń buryn ne sebepti sotty bolǵanyn surady?
"2023 jyldyń 14 jeltoqsanynda meni Qylmystyq kodekstiń 106-baby 1-bóligi boiynsha (densaýlyqqa qasaqana aýyr ziian keltirý) kúdikti retinde tanyp, eki aiǵa qamaýǵa sanktsiia berildi. Osy ýaqyt ishinde Taldyqorǵan qalasyndaǵy tergeý izoliatorynda boldym. Keiin jábirlenýshi bul iske meniń qatysym joq ekenin jazbasha túrde rastady. Sonyń negizinde 2024 jyldyń aqpan aiynda úiqamaqqa aýystyryldym. Tergeý jalǵasqan kezeńde jaz boiy Talǵar aýdanynyń politsiiasyna turaqty túrde baryp júrdim. Keiinirek, tergeý organdary taǵylǵan aiypty QK 106-baptyń 2-bóligine (asa aýyr zardaptarǵa ákelgen densaýlyqqa qasaqana ziian keltirý) qaita saralady. Al 2024 jyldyń 17 qazanynda sot úkimi shyǵyp, men 7 jyl merzimge bas bostandyǵymnan aiyryldym", - dedi ol.
