تالدىقورعاندا شەرزات بولاتتىڭ ٸسٸ بويىنشا ٶتٸپ جاتقان سوت پروتسەسٸندە ايىپتالۋشى ازامات توقتاۋباەۆتان جاۋاپ الۋ جالعاستىرىپ جاتىر, دەپ حابارلايدى Dalanews.kz.
ايىپتاۋشى دانا سەرسەنباي سوتتالۋشى ازامات توقتاۋباەۆقا بٸرنەشە سۇراق قويدى.
- ايتىڭىزشى, وسى جەردەگٸ باسقا سوتتالۋشىلارمەن بايلانىسىڭىز جايلى ايتىڭىزشى? قاي ۋاقىتتان بەرٸ تانيسىز?
"اعامدى قوسپاعاندا, تۇرار رىسقۇلوۆ اۋىلىنىڭ تۋماسى بولعاننان كەيٸن نۇرقيياس ٸليياسوۆپەن كٶرشٸمٸن. تاي قۇلىنداي تەبٸسٸپ, بالا كەزدەن بٸرگە ٶستٸك, ونى جاسىرمايمىن. ساكيەۆ راۆيل, ىسقاق دۋماندى بالا كەزدەن تانيمىن. بۇل جەردە دارحاندى (ەسكەنتاي) تانىمايمىن. قالياحمەت ديداردى دا تانىمايمىن, كٶپ ارالاسپاعانبىز. دارحاندى سوڭعى بٸر جىل كٶلەمٸندە تانيمىن", - دەدٸ ايىپتالۋشى.
- وقيعا ورىن العانعا دەيٸن قاي جەردە جۇمىس ٸستەدٸڭٸز? كەشە ٶزٸڭٸز بٸر سٶزٸڭٸزدە اسپاز ەكەنٸڭٸزدٸ ايتتىڭىز.
"كٶپ جەردە تۇرعىلىقتى دا جۇمىس ٸستەدٸم. شاڭعى تەبەتٸن جەردە باقىلاۋشى بولىپ ٸستەدٸم. جۇمىس ماۋسىمدىق بولعاننان كەيٸن جەكە كەسٸپپەن, ساۋدامەن اينالىسىپ, ۇساق-تٷيەك ٷي تاۋارلارىن ساتتىم. كەيٸن ٷيدٸڭ جانىنداعى قازاقي مونشادا اسپازدىڭ كٶمەكشٸسٸ بولىپ جۇمىس ٸستەدٸم", - دەپ ايتتى ول.
- بۇعان دەيٸن پروۆاتسييا تٸركەۋٸندە بولدىم دەدٸڭٸز. ايتىڭىزشى, سٸز پروۆاتسييا تٸركەۋٸندە تۇردىڭىز با ەلدە ٷكٸم شىققان با?
"يە, مەن ٷيقاماقتاعى بۇلتارتپاۋ شاراسىن بۇزدىم. ونى قۇقىقبۇزۋشىلىق دەپ تانىساڭىزدار, تانىڭىزدار. ٶزٸم قۇقىق بۇزدىم دەپ ەسەپتەيمٸن. ٷيدەن شىقپاسام, ونداي جاعداي بولماس ەدٸ", - دەپ ايتتى سوتتالۋشى.
- وندا نەگە ٷيدەن شىقتىڭىز?
"اۋىرىپ قالعان ەدٸم. دەنساۋلىق جاعدايىما بايلانىستى دەرٸحاناعا تٷسٸپ, كٸشكەنتاي بالاما جٶرگەك الۋعا شىققانمىن", - دەدٸ ول.
ودان بٶلەك سوتتىلىعىڭىز بولدى ما? – دەپ سۇرادى پروكۋرور.
"يە, سوتتىلىعىم بولدى. ونى بۇل ٸسكە قاتىسى جوق دەپ ەسەپتەيمٸن. ماعان وسى ٸس بويىنشا سۇراق قويىڭىز, مەن سٸزگە تولىق جاۋاپ بەرەمٸن", - دەپ جاۋاپ بەردٸ توقتاۋباەۆ.
پروكۋرور دانا سەرسەنباي سوتتالۋشنىڭ بۇرىن نە سەبەپتٸ سوتتى بولعانىن سۇرادى?
"2023 جىلدىڭ 14 جەلتوقسانىندا مەنٸ قىلمىستىق كودەكستٸڭ 106-بابى 1-بٶلٸگٸ بويىنشا (دەنساۋلىققا قاساقانا اۋىر زييان كەلتٸرۋ) كٷدٸكتٸ رەتٸندە تانىپ, ەكٸ ايعا قاماۋعا سانكتسييا بەرٸلدٸ. وسى ۋاقىت ٸشٸندە تالدىقورعان قالاسىنداعى تەرگەۋ يزولياتورىندا بولدىم. كەيٸن جەبٸرلەنۋشٸ بۇل ٸسكە مەنٸڭ قاتىسىم جوق ەكەنٸن جازباشا تٷردە راستادى. سونىڭ نەگٸزٸندە 2024 جىلدىڭ اقپان ايىندا ٷيقاماققا اۋىستىرىلدىم. تەرگەۋ جالعاسقان كەزەڭدە جاز بويى تالعار اۋدانىنىڭ پوليتسيياسىنا تۇراقتى تٷردە بارىپ جٷردٸم. كەيٸنٸرەك, تەرگەۋ ورگاندارى تاعىلعان ايىپتى قك 106-باپتىڭ 2-بٶلٸگٸنە (اسا اۋىر زارداپتارعا ەكەلگەن دەنساۋلىققا قاساقانا زييان كەلتٸرۋ) قايتا سارالادى. ال 2024 جىلدىڭ 17 قازانىندا سوت ٷكٸمٸ شىعىپ, مەن 7 جىل مەرزٸمگە باس بوستاندىعىمنان ايىرىلدىم", - دەدٸ ول.
