Taldyqorǵanda 16 jastaǵy Sherzat Polattyń ólimine qatysty sot protsesi jalǵasyp jatyr. 28 mamyr kúni túske deiingi otyrysta aiyptalýshy Abzal Shynasyl – Ábenovtyń qorǵaýshysy is júrgizip otyrǵan sýdia Erjan Januzaqovqa qarsylyq bildirdi, dep habarlaidy Dalanews.kz.
Almaty oblystyq sotynyń baspasóz qyzmeti bul týraly resmi túsinikteme berdi:
– QR Qylmystyq-protsestik kodeksiniń 87-babynyń 11-bólimine sáikes, isti jeke qarap otyrǵan sýdiaǵa qatysty qarsylyq (otvod) sol sottyń tóraǵasy nemese basqa sýdia arqyly qaralady. Osyǵan bailanysty, talapty osy sottyń sýdiasy Beiimbetov A.A. qaraidy. Sot protsesiniń naqty ýaqyty qosymsha habarlanady, – delingen habarlamada.
Aita keteiik, buǵan deiin Sherzat Polat isi boiynsha aiyptalýshylardyń advokattary prokýrorǵa da qarsylyq bildirgen edi, alaida ol ótinishti sot qanaǵattandyrmaǵan bolatyn.
"Prokýrorǵa qarsylyq bildirý Qylmystyq-protsestik kodekstiń 88-babynda kórsetilgen. 88-bapta 87-bapqa silteme jasalady. Ol jerde qandai jaǵdaida prokýrorǵa qarsylyq bildirýge bolatyny týraly tizbesi kórsetilgen. Aiyptalýshylardyń ókilderiniń berip otyrǵan negizderi ol talaptarǵa sai emes. Emotsiialyq jaǵdai, basqa degen bapta negiz bolyp sanalmaidy. Sot bul qarsylyqty qanaǵattandyrmaidy dep oilaimyz", - dedi advokat.
Búgin sot otyrysynda aiyptalýshy Darhan Áskentaidan jaýap alý bastaldy. Prokýror Dana Sársenbai aiyptalýshy Darhan Áskentaiǵa suraqtar qoiyp bastaǵan kezde onyń qorǵaýshysy prokýrorǵa qarsylyq bildiretinin málimdedi. Bul qarsylyqty qorǵaýshy tarap qoldady.
"Ol (Dana Sársenbai – esk.) suraqtardy burmalap qoiyp, aiyptalýshyǵa qysym kórsetip, daýys kóterip sóilep otyr. Biz memlekettik aiyptaýshyǵa qarsylyq bildiremiz", – dedi advokat Máýlen Erjanov.
