تالدىقورعاندا 16 جاستاعى شەرزات پولاتتىڭ ولىمىنە قاتىستى سوت پروسەسى جالعاسىپ جاتىر. 28 مامىر كۇنى تۇسكە دەيىنگى وتىرىستا ايىپتالۋشى ابزال شىناسىل – ابەنوۆتىڭ قورعاۋشىسى ءىس جۇرگىزىپ وتىرعان سۋديا ەرجان جانۇزاقوۆقا قارسىلىق ءبىلدىردى، دەپ حابارلايدى Dalanews.kz.

الماتى وبلىستىق سوتىنىڭ باسپا ءسوز قىزمەتى بۇل تۋرالى رەسمي تۇسىنىكتەمە بەردى:

– ق ر قىلمىستىق-پروسەستىك كودەكسىنىڭ 87-بابىنىڭ 11-بولىمىنە سايكەس، ءىستى جەكە قاراپ وتىرعان سۋدياعا قاتىستى قارسىلىق (وتۆود) سول سوتتىڭ ءتوراعاسى نەمەسە باسقا سۋديا ارقىلى قارالادى. وسىعان بايلانىستى، تالاپتى وسى سوتتىڭ سۋدياسى بەيىمبەتوۆ ا.ا. قارايدى. سوت پروسەسىنىڭ ناقتى ۋاقىتى قوسىمشا حابارلانادى، – دەلىنگەن حابارلامادا.

ايتا كەتەيىك، بۇعان دەيىن شەرزات پولات ءىسى بويىنشا ايىپتالۋشىلاردىڭ ادۆوكاتتارى پروكۋرورعا دا قارسىلىق بىلدىرگەن ەدى، الايدا ول ءوتىنىشتى سوت قاناعاتتاندىرماعان بولاتىن.

"پروكۋرورعا قارسىلىق ءبىلدىرۋ قىلمىستىق-پروسەستىك كودەكستىڭ 88-بابىندا كورسەتىلگەن. 88-باپتا 87-باپقا سىلتەمە جاسالادى. ول جەردە قانداي جاعدايدا پروكۋرورعا قارسىلىق بىلدىرۋگە بولاتىنى تۋرالى تىزبەسى كورسەتىلگەن. ايىپتالۋشىلاردىڭ وكىلدەرىنىڭ بەرىپ وتىرعان نەگىزدەرى ول تالاپتارعا ساي ەمەس. ەموسيالىق جاعداي، باسقا دەگەن باپتا نەگىز بولىپ سانالمايدى. سوت بۇل قارسىلىقتى قاناعاتتاندىرمايدى دەپ ويلايمىز"، - دەدى ادۆوكات.

بۇگىن سوت وتىرىسىندا ايىپتالۋشى دارحان اسكەنتايدان جاۋاپ الۋ باستالدى. پروكۋرور دانا سارسەنباي ايىپتالۋشى دارحان اسكەنتايعا سۇراقتار قويىپ باستاعان كەزدە ونىڭ قورعاۋشىسى پروكۋرورعا قارسىلىق بىلدىرەتىنىن مالىمدەدى. بۇل قارسىلىقتى قورعاۋشى تاراپ قولدادى.

"ول (دانا سارسەنباي – ەسك.) سۇراقتاردى بۇرمالاپ قويىپ، ايىپتالۋشىعا قىسىم كورسەتىپ، داۋىس كوتەرىپ سويلەپ وتىر. ءبىز مەملەكەتتىك ايىپتاۋشىعا قارسىلىق بىلدىرەمىز"، – دەدى ادۆوكات ماۋلەن ەرجانوۆ.