Shaimardanov: «Tehnikalyq mamandyqtarǵa basymdyq berilýi injenerlerdiń jańa býynyn jasaqtaidy»
– Prezident Qasym-Jomart Toqaev tek saiasi ǵana emes, áleýmettik-ekonomikalyq saladaǵy ózekti máselelerdi sheshý boiynsha naqty mindetter júktedi. Eldegi halyq tyǵyz ornalasqan óńirler úshin maqsatty granttardy ulǵaitý týraly bastamasyn tolyqtai qoldaimyn. Sebebi joǵary bilim Qazaqstannyń barlyq azamattaryna qoljetimdi bolýy kerek, – deidi Jasulan Shaimardanov.
Onyń aitýynsha, qazir mektep oqýshylarynyń fizikalyq-matematikalyq daiyndyǵy álsiz. Sondyqtan pedagog tapshylyǵy seziletin aimaqtar úshin úzdik muǵalimderdi tartýdyń arnaiy baǵdarlamasyn ázirleý ońdy sheshim boldy.
– Memleket basshysy aitqan óte mańyzdy oilardyń biri – tehnikalyq bilimge basymdyq berý. Osynyń arqasynda bizge ónerkásiptik injenerlerdiń jańa býynyn tárbieleýge múmkindik jasalmaq, – dedi D.Serikbaev atyndaǵy Shyǵys Qazaqstan tehnikalyq ýniversitetiniń rektory.
