– پرەزيدەنت قاسىم-جومارت توقايەۆ تەك ساياسي عانا ەمەس، الەۋمەتتىك-ەكونوميكالىق سالاداعى وزەكتى ماسەلەلەردى شەشۋ بويىنشا ناقتى مىندەتتەر جۇكتەدى. ەلدەگى حالىق تىعىز ورنالاسقان وڭىرلەر ءۇشىن ماقساتتى گرانتتاردى ۇلعايتۋ تۋرالى باستاماسىن تولىقتاي قولدايمىن. سەبەبى جوعارى ءبىلىم قازاقستاننىڭ بارلىق ازاماتتارىنا قولجەتىمدى بولۋى كەرەك، – دەيدى جاسۇلان شايماردانوۆ.
ونىڭ ايتۋىنشا، ءقازىر مەكتەپ وقۋشىلارىنىڭ فيزيكالىق-ماتەماتيكالىق دايىندىعى ءالسىز. سوندىقتان پەداگوگ تاپشىلىعى سەزىلەتىن ايماقتار ءۇشىن ۇزدىك مۇعالىمدەردى تارتۋدىڭ ارنايى باعدارلاماسىن ازىرلەۋ وڭدى شەشىم بولدى.
– مەملەكەت باسشىسى ايتقان وتە ماڭىزدى ويلاردىڭ ءبىرى – تەحنيكالىق بىلىمگە باسىمدىق بەرۋ. وسىنىڭ ارقاسىندا بىزگە ونەركاسىپتىك ينجەنەرلەردىڭ جاڭا بۋىنىن تاربيەلەۋگە مۇمكىندىك جاسالماق، – دەدى د.سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىنىڭ رەكتورى.
