Qazaqstandyq aralas jekpe-jek sheberi Shavkat Rahmonovtyń jubaiy Gúlaiym Rahmonova áleýmettik jelide ózderiniń ajyrasqanyn málimdedi, dep habarlaidy Dalanews.kz.
Onyń aitýynsha, sportshy ajyrasqannan keiin balalarynan bas tartqan. Gúlaiym Rahmonova tórt bala tárbielep otyrǵanyn jáne besinshi sábiin kútip júrgenin jetkizdi.
"Ajyrasqannan keiin balalar anasyna ǵana kerek. Búgin ol báribir analaryna uqsap ketedi dep óz balalarynan bas tartty... Sonshalyq qamqor áke bir kúnniń ishinde ózgerip, balalaryn kerek etpei qalady dep eshqashan oilamaǵan edim. Iá, men 4 bala dúniege ákeldim jáne besinshisin kútip otyrmyn. ...Ákesine balalary kerek bolmasa, balalarǵa da ákesi kerek emes!" – dep jazdy ol.
Ázirge bul máselege qatysty Shavkat Rahmonov resmi pikir bildirgen joq.
Eske salaiyq, Gúlaiym Rahmonova men onyń uly 2025 jyly 27 shildede jol apatyna túsken edi.
Politsiianyń málimetinshe, respýblikalyq mańyzy bar Almaty–Ekaterinbýrg tasjolynyń 299-shaqyrymynda Toyota Land Cruiser 200 kóliginiń júrgizýshisi tizginge ie bola almai, kólikti aýdaryp alǵan. Jol apaty saldarynan eki áiel qaza tapqan bolatyn.
Keiinirek jol apatynan qaza tapqan qyzdyń otbasy sportshy Shavkat Rahmonovtyń jubaiyn keshirdi.
