Búginde arhivte 2471 muraǵattyq qor, 1798-2018 jyldar aralyǵynda jinaqtalǵan 634 615 qaǵaz qujat, 8 090 fotoqujat, 161 beinetaspa, 1 196 kinoqujattar, uzyn sany 2 047 jetetin ǵylymi-tehnikalyq qujattar jáne 5022 jeke qujattar qory saqtalýda, – dep habarlaidy Dalanews.kz.
– Qorymyzdaǵy myńdaǵan qujattardy qaraǵan adam ólkemizdiń áleýmettik turǵydan qalyptasý tarihy óte bai ekenine kóz jetkizedi.
Bizdegi qujattarmen tanysqan izdenýshiler qazaq dalasyn qamtyǵan áigili Túrksib temir joly qurylysy, «Shyǵys saqinasy», Ertis boiyndaǵy alyp ónerkásipterdiń biri et kombinaty jaiynda mol maǵulmattar alýyna bolady.
Al Uly Otan soǵysy kezinde qujattarǵa kóz salsańyz, kúni-túni bel jazbai eńbek etken tyl eńbekkerleriniń Otanǵa degen súiispenshiligine tánti bolary sózsiz, – deidi ShQO «Qazirgi zaman tarihyn qujattandyrý ortalyǵy» direktory.
[perfectpullquote align="full" bordertop="false" cite="" link="" color="" class="" size=""]Arhivten 1905 jyldary jaryq kórgen gazetter men basylymdardy kezdestirýge bolady.
Atap aitsaq, 1918 jylǵy «Izvestiia», 1905 jylǵy «Vecherniaia pochta», 1917 jylyǵy «Volia naroda» jáne 1918 jyly jaryq kórgen «Trýdovoe znamia» syndy basylymdardyń tigindilerimen tanysa alady.[/perfectpullquote]
– Buryndary arhiv qujattarynyń kópshiligine izdenýshilerdi qoly jete bermeýshi edi. Mundai qujattarǵa – memlekettik bilik, birqatar mekemeler men partiia qujattary jatatyn. Sońǵy jyldary arhiv qyzmetkerleri úlken jumystar atqaryp, atalǵan qorlarǵa qoiylǵan shekteýlerdi aldy. Osylaisha jurttyń qupiia móri urylǵan 11168 qujatpen tanysýǵa múmkindik aldy, – dedi ShQO Semei qalasyndaǵy «Qazirgi zaman tarihyn qujattandyrý ortalyǵynyń» bólim basshysy Laýra Qadyrova.
Búginde Semei qalasyndaǵy «Qazirgi zaman tarihyn qujattandyrý ortalyǵynda» aqparttyq tehnologiialar bólimi ashylyp, mamandar arhiv qujattaryn elektrondy júiegi kóshirip jatqanyn aita ketýimiz kerek.
Arhivshiler, óziniń 100-jyldyq mereitoiyn toilai otyryp, ózderiniń tabystarymen, halyqtyń tarihi esteligi bolyp tabylatyn memlekettik mańyzy bar qujattardy saqtaýǵa at salysyp, arhiv isinde qalqysyz qyzmet etetin biliktiligi men sheberligi joǵary mamandaryn maqtan tutady.
