Almatyda taǵy bir merdigerdiń qurylys lısenzıasy toqtatyldy, dep habarlaıdy Dalanews.kz.
Almatynyń Qala qurylysyn baqylaý basqarmasy "SK MEGARON" JSHS-ǵa qatysty qabyldanǵan sharalar týraly habarlady. Kompanıa B.Hmelnıskıı kóshesinen bastap Tájibaev, Bakınskaıa, Fızýlı kósheleri arqyly Maılın kóshesine deıingi sý qubyry jelilerin qaıta jańartý, sondaı-aq, Myńbaev jáne Manas kóshelerindegi sý qubyry jelilerin qaıta jańǵyrtý jumystaryn oryndaǵan.
"Alataý TN" JSHS tehnıkalyq qadaǵalaýynyń ótinishi negizinde basqarma tarapynan merdigerge qatysty jospardan tys tekseris júrgizildi. Nátıjesinde qurylys salasyndaǵy memlekettik normatıvter saqtalmaǵany anyqtaldy. Osyǵan baılanysty "SK MEGARON" JSHS-nyń qurylys lısenzıasy keri qaıtaryldy", - dep jazylǵan habarlamada.
Eske salaıyq, buǵan deıin de Almatyda eki kompanıa – "SK 7 stroı" JSHS jáne "AsiaMax" JSHS qurylys lısenzıalarynan aıyrylǵan bolatyn.
