Búgingi tańda aýdanda 33,4 myń gektar sýarmaly jer bar. Byltyr Táýke jáne Ashyly-Ózek ishki sharýashylyq kanaldaryn kúrdeli jóndeýge oblystyq biýdjetten 1,6 mlrd teńge bólingen bolatyn. Búgingi kúni 17 shaqyrym aryq júiesi salynyp, jumys 95 paiyzǵa oryndalǵan. Nátijesinde 4 myń gektarǵa jýyq jerdi sýarmaly sýmen qamtamasyz etý jaqsarady.
Munymen qosa, 207 mln teńgege 119 shaqyrym 10 ishki sharýashylyq kanaldaryna mehanikalyq tazartý júrgizildi.
Kezdesýde oblys basshysy Beibit Óksikbaiuly óńirdiń áleýmettik-ekonomikalyq damý barysyn baiandap, Sarqan aýdanynda iske asyp jatqan irgeli isterdi sóz etti.
– Sarqan aýdany – egis alqaptary boiynsha aýdan oblystaǵy jetekshi óńirlerdiń biri jáne ártaraptandyrylǵan aýylsharýashylyq óndirisi bar agrarlyq aimaq. 98 myń gektarǵa aýyl sharýashylyǵy daqyldarynyń 32 túri egildi.
Qant qyzylshasyn ósirý aýdan úshin dástúrli, mamandandyrylǵan sala bolyp tabylady. Osy maqsatta biyl aýdanda qant qyzylshasynyń egis alqaby 1,3 myń gektarǵa sebildi. Aýdan ákimdigi qyzylsha ósirý jáne egindi ýaqytyly jinaýdy qamtamasyz etý maqsatynda sharýashylyqtarmen jumys isteýge kóńil bólýi qajet. Kúzde Aqsý qant zaýyty óz jumysyn bastaidy, bul qant qyzylshasynyń kólemin odan ári ulǵaitý úshin qosymsha múmkindikterge jol ashady, – dedi Beibit Isabaev.
