بۇگىنگى تاڭدا اۋداندا 33،4 مىڭ گەكتار سۋارمالى جەر بار. بىلتىر تاۋكە جانە اششىلى-وزەك ىشكى شارۋاشىلىق كانالدارىن كۇردەلى جوندەۋگە وبلىستىق بيۋدجەتتەن 1،6 ملرد تەڭگە بولىنگەن بولاتىن. بۇگىنگى كۇنى 17 شاقىرىم ارىق جۇيەسى سالىنىپ، جۇمىس 95 پايىزعا ورىندالعان. ناتيجەسىندە 4 مىڭ گەكتارعا جۋىق جەردى سۋارمالى سۋمەن قامتاماسىز ەتۋ جاقسارادى.
مۇنىمەن قوسا، 207 ملن تەڭگەگە 119 شاقىرىم 10 ىشكى شارۋاشىلىق كانالدارىنا مەحانيكالىق تازارتۋ جۇرگىزىلدى.
كەزدەسۋدە وبلىس باسشىسى بەيبىت وكسىكباي ۇلى ءوڭىردىڭ الەۋمەتتىك-ەكونوميكالىق دامۋ بارىسىن بايانداپ، سارقان اۋدانىندا ىسكە اسىپ جاتقان ىرگەلى ىستەردى ءسوز ەتتى.
![](/uploads/images/20240127152926499.jpg)
– سارقان اۋدانى – ەگىس القاپتارى بويىنشا اۋدان وبلىستاعى جەتەكشى وڭىرلەردىڭ ءبىرى جانە ءارتاراپتاندىرىلعان اۋىلشارۋاشىلىق ءوندىرىسى بار اگرارلىق ايماق. 98 مىڭ گەكتارعا اۋىل شارۋاشىلىعى داقىلدارىنىڭ 32 ءتۇرى ەگىلدى.
قانت قىزىلشاسىن ءوسىرۋ اۋدان ءۇشىن ءداستۇرلى، مامانداندىرىلعان سالا بولىپ تابىلادى. وسى ماقساتتا بيىل اۋداندا قانت قىزىلشاسىنىڭ ەگىس القابى 1،3 مىڭ گەكتارعا سەبىلدى. اۋدان اكىمدىگى قىزىلشا ءوسىرۋ جانە ەگىندى ۋاقىتىلى جيناۋدى قامتاماسىز ەتۋ ماقساتىندا شارۋاشىلىقتارمەن جۇمىس ىستەۋگە كوڭىل ءبولۋى قاجەت. كۇزدە اقسۋ قانت زاۋىتى ءوز جۇمىسىن باستايدى، بۇل قانت قىزىلشاسىنىڭ كولەمىن ودان ءارى ۇلعايتۋ ءۇشىن قوسىمشا مۇمكىندىكتەرگە جول اشادى، – دەدى بەيبىت يسابايەۆ.