Qalǵan turǵyndar aldaǵy ýaqytta kóshetin aýdandaryn tańdap, kezeń-kezeńimen soltústikke qonys aýdarmaq. Bul týraly óńirlik kommýnikatsiialar qyzmetinde ótken brifingte Túrkistan oblystyq máslihatynyń depýtaty Jańabai Aǵabekov málim etti.
2016 jyldan beri Soltústikke kóshtiń jandanýyna atsalysyp júrgen halyq qalaýlysy Jańabai Moldabaiuly bul joly da óńir turǵyndarynyń teriskeidegi tirshilikpen tanysyp qaitýyna jaǵdai jasap, qoldaý kórsetti. Spikerdiń aitýynsha, osyndai tanymdyq saparlar aldaǵy ýaqytta da jalǵasady.
– Jaqynda Túrkistan oblysy ákimdiginiń qoldaýymen osy kóshtiń basy-qasynda júrgen ultjandy azamat Býrahan Dahanov óńirimizge kelip, onymen birge bir aptadai túsindirme jumystaryn júrgizdik.
Bul baǵyttaǵy jumystar nátijesiz emes. Soltústiktiń jeri qunarly, onda jumys kóp, maman tapshy. Bizdiń óńirdiń eńbekqor halqy soltústikke de tez beiimdelip jatyr.
Birneshe jyl buryn teriskeidegi jabylǵaly turǵan mektep ońtústikten kóship barǵan 50 shaqty oqýshynyń arqasynda jumysyn jalǵastyryp, aýyldyń ajary artty. Qazaq eliniń árbir jeri qasterli. Qolynan is keletin, mal baǵýǵa, egistikpen ainalysýǵa ebi bar óńir turǵyndaryn soltústikke qonys aýdarýǵa shaqyramyn, – dedi ol.
Brifing barysynda sóz alǵan oblystyq jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Nurjan Nurashov 2015 jyldan beri jumys kúshi azaiǵan Soltústik óńirlerge halqy tyǵyz ornalasqan Ońtústik aimaqtarynan halyqty kóshirý jumystary júieli júrgizilip jatqanyn aityp ótti.
Basqarma ókiliniń baiandaýynsha, 2015-2022 jyldar aralyǵynda Soltústikke óńirimizden 11 892 adam qonys aýdarǵan. Al, osy jyldyń 5 aiynda oblystan 206 otbasy, iaǵni 691 adam kóship barǵan.
«Eńbek jáne halyqty áleýmettik qorǵaý ministrligi 2023 jylǵa respýblika boiynsha 6727 kvota bóldi. Qonys aýdarýshylar úshin memlekettik qoldaý kórsetetin 8 oblys belgilengen. Olar – Abai, Aqmola, Qaraǵandy, Qostanai, Pavlodar, Ulytaý, Soltústik jáne Shyǵys Qazaqstan oblystary. Biyl 19-21 sáýir aralyǵynda Túrkistan oblysynyń 9 aýdanynda elimizdiń soltústik-shyǵys 4 aimaqtarynyń ókilderiniń qatysýymen «Qonys aýdarý» jármeńkeleri, «Amanat» partiiasynyń Túrkistan oblystyq filialy ókilderimen birge halyqpen kezdesýler ótkizildi.
Nátijesinde, 509 otbasy qonys aýdarýǵa niet bildirdi, onyń ishinde 100-den asa azamat oń sheshim qabyldaitynyn jetkizgen», - dedi Nurjan Nurashov.
– Soltústiktegi aǵaiyn ystyq yqylaspen qarsy alyp, qoldaýyn kórsetip jatyr. Aldaǵy ýaqytta onda iri qara mal baǵyp, osy sharýashylyqty damytýǵa kúsh salmaqpyn.
Men barǵan Shal aqyn aýdanynda balyq sharýashylyǵymen de ainalysýǵa múmkindik mol. Aýdanda 17 kól bar eken. Bolashaqta kóldiń emdik balshyǵynyń negizinde sanatorii ashýǵa niettimin. Osy sapar nátijesinde ózim 15 shaqty otbasyǵa qujattaryn rásimdeýge kómektesip, soltústikke alyp bara jatyrmyn, – dedi ol.
Odan bólek, soltústikke kóshýge nietti Keles aýdanynyń turǵyny Muhamedjan Aldiiarov ta mal sharýashylyǵyna laiyqty eldimekendi tańdap, aldaǵy aptada kóshýge daiyn ekendigin jetkizdi. Sondai-aq, ol kóship barǵan soń soltústik jurtyna ulttyq sport túri kókpardy nasihattap, damytqysy keletindigin aitty.
