"Samuryq-Qazyna" IPO sheńberinde temirjol operatory, "Qazaqstan temir joly" (QTJ) aksıalarynyń 20%-na deıingi mólsherin satýǵa nıetti. Bul týraly atalǵan qordyń Basqarma tóraǵasy Nurlan Jaqypov aıtty, dep habarlaıdy Dalanews.kz  Kapital.kz-ǵa silteme jasap.

"Ekinshi jaǵynan, biz kompanıa aksıalarynyń 20%-na deıingi mólsherin satýdy josparlap otyrmyz, sáıkesinshe aksıoner nemese sol aksıalardy satyp alǵan adam magıstraldyq jelige ǵana emes, ıeliginde tek MJS (magıstraldyq temirjol jelisi – IF-K) ǵana emes, sondaı-aq basqa da aktıvter bar QTJ kompanıasynyń ózine ıelik etetin bolady", - dedi ol juma kúngi qordyń qoǵamdyq keńesiniń otyrysynda.  

Onyń aıtýynsha, halyqaralyq tájirıbege sáıkes, IPO qarsańynda keń aýqymdy pıar-kompanıalar ótkizýge shekteýler qarastyrylǵan.

"Sondyqtan biz daıyndyǵymyzdyń bar málimetterin ashyp aıta almaımyz, biraq negizgi aqparatty sizderge jetkizdik", - dedi Nurlan Jaqypov.

Buǵan deıin habarlanǵandaı, jeltoqsan aıynyń ortasynda qor ornalastyrylǵan QTJ-nyń jalpy aksıalarynyń 10%-dan 25%-na deıingisin satýdy qarastyrǵan bolatyn. Sol kezde mundaı jaıt qolaıly naryqtyq jaǵdaıda oryn alatyny naqtylanǵan.

Sondaı-aq "Samuryq-Qazyna" ońtaılandyrý mindetteri aıasynda enshiles qurylymy - "Samuryq-Qazyna Bıznes Servıs" JSHS-in taratpaq. 

Aıta ketsek, 2024 jyly 27 qańtarda ótken Úkimettiń keńeıtilgen otyrysynda Memleket basshysy "Samuryq-Qazyna" Ulttyq ál-aýqat qoryn reformalaý barysyna kóńili tolmaıtynyn jetkizgen.