"سامۇرىق-قازىنا" IPO شەڭبەرىندە تەمىرجول وپەراتورى، "قازاقستان تەمىر جولى" (قتج) اكسيالارىنىڭ 20%-نا دەيىنگى مولشەرىن ساتۋعا نيەتتى. بۇل تۋرالى اتالعان قوردىڭ باسقارما ءتوراعاسى نۇرلان جاقىپوۆ ايتتى، دەپ حابارلايدى Dalanews.kz Kapital.kz-عا سىلتەمە جاساپ.
"ەكىنشى جاعىنان، ءبىز كومپانيا اكسيالارىنىڭ 20%-نا دەيىنگى مولشەرىن ساتۋدى جوسپارلاپ وتىرمىز، سايكەسىنشە اكسيونەر نەمەسە سول اكسيالاردى ساتىپ العان ادام ماگيسترالدىق جەلىگە عانا ەمەس، يەلىگىندە تەك مجس (ماگيسترالدىق تەمىرجول جەلىسى – يف-ك) عانا ەمەس، سونداي-اق باسقا دا اكتيۆتەر بار قتج كومپانياسىنىڭ وزىنە يەلىك ەتەتىن بولادى"، - دەدى ول جۇما كۇنگى قوردىڭ قوعامدىق كەڭەسىنىڭ وتىرىسىندا.
ونىڭ ايتۋىنشا، حالىقارالىق تاجىريبەگە سايكەس، IPO قارساڭىندا كەڭ اۋقىمدى پيار-كومپانيالار وتكىزۋگە شەكتەۋلەر قاراستىرىلعان.
"سوندىقتان ءبىز دايىندىعىمىزدىڭ بار مالىمەتتەرىن اشىپ ايتا المايمىز، ءبىراق نەگىزگى اقپاراتتى سىزدەرگە جەتكىزدىك"، - دەدى نۇرلان جاقىپوۆ.
بۇعان دەيىن حابارلانعانداي، جەلتوقسان ايىنىڭ ورتاسىندا قور ورنالاستىرىلعان قتج-نىڭ جالپى اكسيالارىنىڭ 10%-دان 25%-نا دەيىنگىسىن ساتۋدى قاراستىرعان بولاتىن. سول كەزدە مۇنداي جايت قولايلى نارىقتىق جاعدايدا ورىن الاتىنى ناقتىلانعان.
سونداي-اق "سامۇرىق-قازىنا" وڭتايلاندىرۋ مىندەتتەرى اياسىندا ەنشىلەس قۇرىلىمى - "سامۇرىق-قازىنا بيزنەس سەرۆيس" ءجشس-ىن تاراتپاق.
ايتا كەتسەك، 2024 جىلى 27 قاڭتاردا وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسى "سامۇرىق-قازىنا" ۇلتتىق ءال-اۋقات قورىن رەفورمالاۋ بارىسىنا كوڭىلى تولمايتىنىن جەتكىزگەن.
