ەكس-پرەزيدەنت نۇرسۇلتان نازارباەۆتىڭ قۇداسى, كەسٸپكەر قايرات بورانباەۆ ۇلىبريتانيياداعى قىمبات جىلجىمايتىن مٷلٸكتەرٸنٸڭ بٸرٸن ساتقان. ەڭگٸمە لوندونعا جاقىن ورنالاسقان ۆيردجينييا-ۋوتەر اۋىلىنداعى زەۋلٸم ٷي تۋرالى بولىپ وتىر. بۇل ەلدٸمەكەندٸ كەيدە "ميللياردەرلەر اۋىلى" دەپ تە اتايدى, دەپ حابارلايدى dalanews.kz.
بۇل تۋرالى "ۆىحود ك موريۋ" تەلەگرام ارناسى جازدى. ۇلىبريتانييانىڭ جىلجىمايتىن مٷلٸك تٸزٸلٸمٸندەگٸ مەلٸمەتتەرگە سەيكەس, اتالعان ٷيدٸ قازاقستاندا تۋعان كەسٸپكەر ميرا انافينا ساتىپ العان. كەلٸسٸم 2024 جىلدىڭ سوڭىندا جاسالعان. الايدا مٷلٸكتٸڭ ناقتى قانشاعا ساتىلعانى ەزٸرگە بەلگٸسٸز.
ميرا انافينا – "كازكوممەرتسبانكتٸڭ" بۇرىنعى ديرەكتورى, Meridian Capital ينۆەستيتسييالىق حولدينگٸنٸڭ نەگٸزٸن قالاۋشىلاردىڭ بٸرٸ ازات ەبٸشەۆتٸڭ جۇبايى.
اشىق دەرەكتەرگە قاراعاندا, قايرات بورانباەۆ ۆيردجينييا-ۋوتەردەگٸ بۇل ٷيدٸ 2016 جىلى ساتىپ العان. سول كەزدە زەۋلٸم مٷلٸك ٷشٸن قانشا قارجى تٶلەنگەنٸ ايتىلماعان. دەگەنمەن قۇجاتتاردا ونىڭ قۇنى 1 ملن فۋنت ستەرلينگتەن جوعارى بولعانى كٶرسەتٸلگەن. ساراپشىلار بۇل نىساندى 10-15 ملن فۋنت ستەرلينگ ارالىعىندا باعالاعان.
بۇدان بٶلەك, بورانباەۆتىڭ ۇلىبريتانييادا باسقا دا جىلجىمايتىن مٷلٸكتەرٸ بارى ايتىلادى. لوندون ورتالىعىنان شامامەن 30 مينۋتتىق جەردە ورنالاسقان اۋىلداعى تاعى بٸر اكتيۆٸنٸڭ قۇنى 25,5 ملن فۋنت ستەرلينگكە باعالانعان. اۋماعى 2 مىڭ شارشى مەتر بولاتىن زەۋلٸم سارايدا كينوتەاتر, باسسەين, جاتتىعۋ زالى, ساۋنا جەنە سپورت الاڭى بار ەكەنٸ كٶرسەتٸلگەن.
سونداي-اق كەسٸپكەردٸڭ لوندون قالاسىنىڭ ٶزٸندە دە تۇرعىن ٷي اپارتامەنتتەرٸ بار ەكەنٸ حابارلاندى. ونداعى پەتەرلەردٸڭ قۇنى 155 ملن فۋنت ستەرلينگكە دەيٸن باعالانۋى مٷمكٸن.
قايرات بورانباەۆتىڭ قىزى ەليما 2013 جىلى نۇرسۇلتان نازارباەۆتىڭ جيەنٸ ايسۇلتان نازارباەۆقا تۇرمىسقا شىققان. داريعا نازارباەۆانىڭ ۇلى ايسۇلتان نازارباەۆ 2020 جىلى قايتىس بولدى.
