Burynǵy dıplomat Sáken Mamashqa qatysty is keıinge qaldyryldy, dep habarlaıdy Dalanews.kz.
Buǵan deıin is Astananyń aýdanaralyq qylmystyq sotyna túsken bolatyn. İs 10 maýsym saǵat 10.00-ge aýystyryldy.
Ol burynǵy áıeli Karına Mamashqa kúsh qoldandy dep kúdikke ilingen. Bul aqparatty sottyń baspasóz qyzmeti rastaǵan.
Sot prosesi búgin, 29 mamyrda ótýi qajet bolǵan. Sonymen qatar, Sáken Mamashtyń qamaý merzimi 7 maýsymǵa deıin uzartyldy.
2024 jylǵy mamyrda Sáken Mamashtyń burynǵy áıeli onyń ózin jáne qonaqqa kelgen ápkesin uryp-soqqanyn málimdegen. Osydan keıin QR Syrtqy ister mınıstrligi ony BAÁ-degi qyzmetinen keri shaqyrtty. Ótken jyldyń 9 mamyrynda jábirlenýshi Astanaǵa oralǵan. Qaýipsizdik maqsatynda Karına balalarymen birge daǵdarys ortalyǵyna ornalastyrylǵan.
Keıinirek Sáken Mamashqa QR Qylmystyq kodeksiniń 110-baby ("Azaptaý") boıynsha 7 jylǵa deıin bas bostandyǵynan aıyrý jazasy qarastyrylatyny habarlanǵan edi.
2023 jylǵy qazanda Karına Mamash ajyrasqanyn resmı túrde jarıalady.
