بۇرىنعى ديپلومات ساكەن ماماشقا قاتىستى ءىس كەيىنگە قالدىرىلدى، دەپ حابارلايدى Dalanews.kz.
بۇعان دەيىن ءىس استانانىڭ اۋدانارالىق قىلمىستىق سوتىنا تۇسكەن بولاتىن. ءىس 10 ماۋسىم ساعات 10.00-گە اۋىستىرىلدى.
ول بۇرىنعى ايەلى كارينا ماماشقا كۇش قولداندى دەپ كۇدىككە ىلىنگەن. بۇل اقپاراتتى سوتتىڭ باسپا ءسوز قىزمەتى راستاعان.
سوت پروسەسى بۇگىن، 29 مامىردا ءوتۋى قاجەت بولعان. سونىمەن قاتار، ساكەن ماماشتىڭ قاماۋ مەرزىمى 7 ماۋسىمعا دەيىن ۇزارتىلدى.
2024 جىلعى مامىردا ساكەن ماماشتىڭ بۇرىنعى ايەلى ونىڭ ءوزىن جانە قوناققا كەلگەن اپكەسىن ۇرىپ-سوققانىن مالىمدەگەن. وسىدان كەيىن ق ر سىرتقى ىستەر مينيسترلىگى ونى باا-دەگى قىزمەتىنەن كەرى شاقىرتتى. وتكەن جىلدىڭ 9 مامىرىندا جابىرلەنۋشى استاناعا ورالعان. قاۋىپسىزدىك ماقساتىندا كارينا بالالارىمەن بىرگە داعدارىس ورتالىعىنا ورنالاستىرىلعان.
كەيىنىرەك ساكەن ماماشقا ق ر قىلمىستىق كودەكسىنىڭ 110-بابى ("ازاپتاۋ") بويىنشا 7 جىلعا دەيىن باس بوستاندىعىنان ايىرۋ جازاسى قاراستىرىلاتىنى حابارلانعان ەدى.
2023 جىلعى قازاندا كارينا ماماش اجىراسقانىن رەسمي تۇردە جاريالادى.
