Seifýllin dańǵylynyń boiynda jeke investitsiianyń esebinen 590 oryndy mektep salynýda. Zamanaýi standarttarǵa sai salynyp jatqan jalpy bilim berý mekemesi jańa oqý jylyna daiyn bolady.
Jaqyn jerde «Shuǵyla» kinoteatry bar, onyń iesi ákimge aýmaqty rekonstrýktsiialaý jáne abattandyrý jobasymen tanystyrdy. Baqytjan Saǵyntaev munda aýdan turǵyndary úshin jańa ári tartymdy demalatyn oryn bolatynyna nazar aýdardy.
Biraq Baqytjan Saǵyntaev aýdanda halyqtyń ósýin eskerip, jańa bilim berý mekemelerine jobalar ázirleý qajet ekenin aitty.
Qala biznesmenderi sporttyq infraqurylymdy damytýǵa qatysýda. Aitalyq, «Juldyz-1» shaǵyn aýdanynda jekpe-jek, kórkem gimnastika, jattyǵý, trenajer zaldary, toptyq fitnes aimaqtary, 25 metrlik basseini bar kópfýnktsionaldy sport kesheni salynýda.
«Juldyz» jańa demalys ortalyǵyn aralap kórgen soń qala ákimi osyndai jobany barlyq aýdandarda júzege asyrýdy tapsyrdy. Munda jumys sporttyq, mádeni-aǵartýdy damytý baǵyttarynda júrýde. 100-ge jýyq bala ústel tennisi, shahmat jáne doiby, toǵyz qumalaq, beineleý óneri, kúres, bi jáne mýzyka úiirmelerine qatysýda.
Aýdan ákimderiniń aldyna qoiylǵan basty mindetterdiń biri ShOB damytý jáne jumys oryndaryn qurý bolyp tabylady. Baqytjan Saǵyntaev «Inter mýlti servis» gofrokarton zaýytynda boldy.
Munda karton shyǵaratyn jańa jelini tolyq iske qosýǵa daiyndyq júrip jatyr. Óndiris qýaty boiynsha jylyna shamamen 2,3 myń tonna ónim shyǵarý kózdelgen. Zaýytta 140 adam jumys isteidi, jańa óndiristik jeli iske qosylǵannan keiin 30 jańa jumys orny ashylady.
Almaty ákimi Baqytjan Saǵyntaevty VIVA Pharm farmatsevtikalyq zaýytynda óndiristik tsiklmen jáne shyǵarylatyn dári-dármekterdiń assortimentimen tanystyrdy. Zaýytta 157 jumys orny qurylǵan. Ótken jyldyń qorytyndysy boiynsha óndiris kólemi 48 ataýly 2 millionǵa jýyq qaptalǵan dáriler preparattaryn óndirdi.
Baqytjan Saǵyntaev «Qairat» shaǵyn aýdanyndaǵy jol qurylysynyń sapasy men qarqynyn tekserdi. Shaǵyn aýdannyń 78 kóshesinde sýmen jabdyqtaý jáne sý burýdyń injenerlik jelileri tartylǵan. Kóshelerdi daiyndaý jáne asfalttaý jumystary júrýde.
Megapolis ákimi aýdannyń qoǵamdyq keńistikterin abattandyrý jobalarymen de tanysty. №32 mekteptiń artynda «Biýdjetke qatysý» jobasy aiasynda balalar jáne fýtbol alańdaryn, streetball, workout alańdaryn salýǵa daiyndyq bastaldy. Munda syrtqy jaryq ornatylyp, qoqys jáshikteri, oryndyqtartar qoiylady. Aýmaq kógaldandyrylady.
Sondai-aq, «Biýdjetke qatysý» boiynsha Aisha Bibi, 357 kóshesiniń boiyndaǵy qaraýsyz jatqan jerde sport alańynyń qurylysy bastaldy. Munda múmkindikteri shekteýli balalarǵa arnalǵan oiyn alańy, júgirý joly, fýtbol alańy, vorkaýt alańy jasalady. Aýmaq kógaldandyrylady ári abattandyrylady.
Altai-1 shaǵyn aýdanynda birneshe aýlany biriktiretin aralyq jaiaý júrginshiler aimaǵynyń qurylysy bastalady. Jobada qalalyqtardyń demalatyn oryndary, balalardyń oiyn keshenderi men sport alańdary, syrtqy jaryq jelilerin ornatý, trotýar joldary jáne aýmaqty kógaldandyrý kórinis tapqan.
