سەيفۋللين داڭعىلىنىڭ بويىندا جەكە ينۆەستيسيانىڭ ەسەبىنەن 590 ورىندى مەكتەپ سالىنۋدا. زاماناۋي ستاندارتتارعا ساي سالىنىپ جاتقان جالپى ءبىلىم بەرۋ مەكەمەسى جاڭا وقۋ جىلىنا دايىن بولادى.
جاقىن جەردە «شۇعىلا» كينوتەاترى بار، ونىڭ يەسى اكىمگە اۋماقتى رەكونسترۋكسيالاۋ جانە اباتتاندىرۋ جوباسىمەن تانىستىردى. باقىتجان ساعىنتايەۆ مۇندا اۋدان تۇرعىندارى ءۇشىن جاڭا ءارى تارتىمدى دەمالاتىن ورىن بولاتىنىنا نازار اۋداردى.
قالا اكىمى 300 ورىنعا ارنالعان №170 مەكتەپتىڭ جاڭا كورپۋسىنىڭ قۇرىلىس بارىسىن تەكسەردى. قولدانىستاعى عيماراتتى جوندەۋ جوسپارلانعان. سالىنىپ جاتقان جەكە جانە قالالىق مەكتەپتەردى قوسا ەسەپتەگەندە تۇركسىب اۋدانىندا وقۋشى ورنىنىڭ تاپشىلىعى ايتارلىقتاي تومەندەيدى.
ءبىراق باقىتجان ساعىنتايەۆ اۋداندا حالىقتىڭ ءوسۋىن ەسكەرىپ، جاڭا ءبىلىم بەرۋ مەكەمەلەرىنە جوبالار ازىرلەۋ قاجەت ەكەنىن ايتتى.
قالا بيزنەسمەندەرى سپورتتىق ينفراقۇرىلىمدى دامىتۋعا قاتىسۋدا. ايتالىق، «جۇلدىز-1» شاعىن اۋدانىندا جەكپە-جەك، كوركەم گيمناستيكا، جاتتىعۋ، ترەناجەر زالدارى، توپتىق فيتنەس ايماقتارى، 25 مەترلىك باسسەينى بار كوپفۋنكسيونالدى سپورت كەشەنى سالىنۋدا.
باقىتجان ساعىنتايەۆ كەشەندى كەڭەيتۋ جوسپارلارىمەن تانىستى جانە شەتكى شاعىن اۋدانداردا وسىنداي ىقشام دەنەشىنىقتىرۋ-ساۋىقتىرۋ ورتالىقتارىن سالۋ قاجەتتىلىگىنە نازار اۋداردى.
«جۇلدىز» جاڭا دەمالىس ورتالىعىن ارالاپ كورگەن سوڭ قالا اكىمى وسىنداي جوبانى بارلىق اۋدانداردا جۇزەگە اسىرۋدى تاپسىردى. مۇندا جۇمىس سپورتتىق، مادەني-اعارتۋدى دامىتۋ باعىتتارىندا جۇرۋدە. 100-گە جۋىق بالا ۇستەل تەننيسى، شاحمات جانە دويبى، توعىز قۇمالاق، بەينەلەۋ ونەرى، كۇرەس، بي جانە مۋزىكا ۇيىرمەلەرىنە قاتىسۋدا.
اۋدان اكىمدەرىنىڭ الدىنا قويىلعان باستى مىندەتتەردىڭ ءبىرى شوب دامىتۋ جانە جۇمىس ورىندارىن قۇرۋ بولىپ تابىلادى. باقىتجان ساعىنتايەۆ «ينتەر مۋلتي سەرۆيس» گوفروكارتون زاۋىتىندا بولدى.
مۇندا كارتون شىعاراتىن جاڭا جەلىنى تولىق ىسكە قوسۋعا دايىندىق ءجۇرىپ جاتىر. ءوندىرىس قۋاتى بويىنشا جىلىنا شامامەن 2،3 مىڭ توننا ءونىم شىعارۋ كوزدەلگەن. زاۋىتتا 140 ادام جۇمىس ىستەيدى، جاڭا وندىرىستىك جەلى ىسكە قوسىلعاننان كەيىن 30 جاڭا جۇمىس ورنى اشىلادى.
الماتى اكىمى باقىتجان ساعىنتايەۆتى VIVA Pharm فارماسيەۆتيكالىق زاۋىتىندا وندىرىستىك سيكلمەن جانە شىعارىلاتىن دارى-دارمەكتەردىڭ اسسورتيمەنتىمەن تانىستىردى. زاۋىتتا 157 جۇمىس ورنى قۇرىلعان. وتكەن جىلدىڭ قورىتىندىسى بويىنشا ءوندىرىس كولەمى 48 اتاۋلى 2 ميلليونعا جۋىق قاپتالعان دارىلەر پرەپاراتتارىن ءوندىردى.
بۇگىندە دارىلەردى وزبەكستان مەن قىرعىزستانعا ەكسپورتتاۋ جولعا قويىلعان، ەندى رەسەيلىك نارىققا شىعۋ جوسپارلانۋدا. سونىمەن قاتار، «الاتاۋ» يتپ اەا اۋماعىندا دارى-دارمەك شىعاراتىن جاڭا زاۋىت سالۋ جونىندەگى ينۆەستيسيالىق جوبانى ىسكە اسىرۋ جوسپارلانۋدا.
باقىتجان ساعىنتايەۆ «قايرات» شاعىن اۋدانىنداعى جول قۇرىلىسىنىڭ ساپاسى مەن قارقىنىن تەكسەردى. شاعىن اۋداننىڭ 78 كوشەسىندە سۋمەن جابدىقتاۋ جانە سۋ بۇرۋدىڭ ينجەنەرلىك جەلىلەرى تارتىلعان. كوشەلەردى دايىنداۋ جانە اسفالتتاۋ جۇمىستارى جۇرۋدە.
مەگاپوليس اكىمى اۋداننىڭ قوعامدىق كەڭىستىكتەرىن اباتتاندىرۋ جوبالارىمەن دە تانىستى. №32 مەكتەپتىڭ ارتىندا «بيۋدجەتكە قاتىسۋ» جوباسى اياسىندا بالالار جانە فۋتبول الاڭدارىن، streetball، workout الاڭدارىن سالۋعا دايىندىق باستالدى. مۇندا سىرتقى جارىق ورناتىلىپ، قوقىس جاشىكتەرى، ورىندىقتارتار قويىلادى. اۋماق كوگالداندىرىلادى.
سونداي-اق، «بيۋدجەتكە قاتىسۋ» بويىنشا ايشا ءبيبى، 357 كوشەسىنىڭ بويىنداعى قاراۋسىز جاتقان جەردە سپورت الاڭىنىڭ قۇرىلىسى باستالدى. مۇندا مۇمكىندىكتەرى شەكتەۋلى بالالارعا ارنالعان ويىن الاڭى، جۇگىرۋ جولى، فۋتبول الاڭى، ۆوركاۋت الاڭى جاسالادى. اۋماق كوگالداندىرىلادى ءارى اباتتاندىرىلادى.
التاي-1 شاعىن اۋدانىندا بىرنەشە اۋلانى بىرىكتىرەتىن ارالىق جاياۋ جۇرگىنشىلەر ايماعىنىڭ قۇرىلىسى باستالادى. جوبادا قالالىقتاردىڭ دەمالاتىن ورىندارى، بالالاردىڭ ويىن كەشەندەرى مەن سپورت الاڭدارى، سىرتقى جارىق جەلىلەرىن ورناتۋ، تروتۋار جولدارى جانە اۋماقتى كوگالداندىرۋ كورىنىس تاپقان.
