Oq tıip, uzaq ýaqyt aýrýhanada emdelgen Shymkent qalasy ákiminiń burynǵy orynbasary Rýslan Berdenov Almaty damý ortalyǵynyń basshysy bolyp taǵaıyndaldy, dep habarlaıdy Dalanews.kz.
Sáýir aıynda ákimdik ǵımaraty janynda qarýly shabýylǵa ushyraǵan Shymkent qalasy ákiminiń burynǵy orynbasary Rýslan Berdenov Almaty damý ortalyǵynyń basshysy boldy. Bul aqparatty qala ákimdigi rastady.
Rýslan Berdenov 29 tamyzda Shymkent qalasy ákiminiń orynbasary qyzmetinen ketti. Berdenov ózine qastandyq jasaý áreketi boıynsha qozǵalǵan qylmystyq istiń sot otyrysynda bir de bir ret tóbe kórsetpedi. Tek birde sot otyrysyna onlaın túrde qatysqany bolmasa. Sol kezde eks-sheneýnik densaýlyǵy jaǵdaıyn alǵa tartyp, denesinde áli de oqtyń 61 qıyrshyǵy baryn aıtqan. Sáýirdiń 21-i kúni Rýslan Berdenovke ákimdik mańynda oq tıdi. 20 tamyzda sot shabýyl jasaǵan Ernar Jıembaıdy kináli dep tanyp, ony toǵyz jylǵa ortasha qaýipsizdik rejımindegi kolonıaǵa toǵytý týraly úkim shyǵardy.
