وق ءتيىپ، ۇزاق ۋاقىت اۋرۋحانادا ەمدەلگەن شىمكەنت قالاسى اكىمىنىڭ بۇرىنعى ورىنباسارى رۋسلان بەردەنوۆ الماتى دامۋ ورتالىعىنىڭ باسشىسى بولىپ تاعايىندالدى، دەپ حابارلايدى Dalanews.kz.
ءساۋىر ايىندا اكىمدىك عيماراتى جانىندا قارۋلى شابۋىلعا ۇشىراعان شىمكەنت قالاسى اكىمىنىڭ بۇرىنعى ورىنباسارى رۋسلان بەردەنوۆ الماتى دامۋ ورتالىعىنىڭ باسشىسى بولدى. بۇل اقپاراتتى قالا اكىمدىگى راستادى.
رۋسلان بەردەنوۆ 29 تامىزدا شىمكەنت قالاسى اكىمىنىڭ ورىنباسارى قىزمەتىنەن كەتتى. بەردەنوۆ وزىنە قاستاندىق جاساۋ ارەكەتى بويىنشا قوزعالعان قىلمىستىق ءىستىڭ سوت وتىرىسىندا ءبىر دە ءبىر رەت توبە كورسەتپەدى. تەك بىردە سوت وتىرىسىنا ونلاين تۇردە قاتىسقانى بولماسا. سول كەزدە ەكس-شەنەۋنىك دەنساۋلىعى جاعدايىن العا تارتىپ، دەنەسىندە ءالى دە وقتىڭ 61 قيىرشىعى بارىن ايتقان. ءساۋىردىڭ 21ء-ى كۇنى رۋسلان بەردەنوۆكە اكىمدىك ماڭىندا وق ءتيدى. 20 تامىزدا سوت شابۋىل جاساعان ەرنار جيەمبايدى كىنالى دەپ تانىپ، ونى توعىز جىلعا ورتاشا قاۋىپسىزدىك رەجيمىندەگى كولونياعا توعىتۋ تۋرالى ۇكىم شىعاردى.
