Azattyq saıty Halyqaralyq saıasat pen ekonomıka salasyndaǵy 167 sarapshynyń jartysyna jýyǵy Reseı aldaǵy 10 jyl ishinde ydyryp, onyń ornynda táýelsiz respýblıkalar paıda bolýy yqtımal, ne bolmasa "Reseı memlekettik ınstıtýttary jumys istemeıtin memleketke aınalýy múmkin" dep baılam jasaǵanyn jazdy, – dep habarlaıdy Dalanews.kz.

Bul saýalnamany Vashıngtonnyń Atlantic Council ("Atlantıka keńesi") saraptama ortalyǵy júrgizgen, qorytyndysyn Brıtanıanyń Financial Times gazeti jarıalaǵan.

Saýalnamaǵa qatysqandardyń 40 paıyzy Reseıde revolúsıa, azamattyq soǵys nemese dezıntegrasıa nátıjesinde saıası daǵdarys bolýy múmkin dep esepteıdi. Eýropa sarapshylary amerıkalyq sarapshylardan da pesımıs bolyp shyqqan: olardyń 49 paıyzy "Reseı ydyraıdy" dep sanaıdy.

Respondentterdiń 14 paıyzy Reseı aldaǵy 10 jylda ıadrolyq qarý qoldanýy múmkin degen tujyrymǵa kelgen. "Adaǵy on jylda Reseı ydyraıdy" deıtin respondentterdiń 10 paıyzy "Reseı ydyraǵan soń avtokratıalyq elderdiń kópshiligi demokratıalyq jolǵa túsedi" dep boljaǵan.

"Atlantıka keńesi" dırektorynyń orynbasary Peter Engelke Reseı týraly túrli boljamǵa onyń Ýkraına basyp kirgeni jáne oǵan salynǵan sanksıalar yqpal etkenin aıtqan.

Respondentter "Iranda ıadrolyq qarý paıda bolady, Qytaı Taıvanǵa shabýyl jasaıdy, klımatty qorǵaýdaǵy jahandyq yntymaqtastyq kúsheıe túsedi" degen de uıǵarymǵa kelgen.

Olardyń oıynsha, AQSH aldaǵy on jylda áskerı jáne ǵylymı tehnologıa salasynda jetekshi rólin saqtap qalady, biraq ózge de oıynshylardyń halyqaralyq arenadaǵy róliniń kúsheıe túsýine baılanysty Amerıkanyń saıası jáne ekonomıkalyq gegemonıasy birtindep tómendeıdi dep sanaıdy.